കോഴിക്കോട്: തദ്ദേശ സ്വയംഭരണ സ്ഥാപനങ്ങൾ സമർപ്പിച്ച 2024-25 ലെ വാർഷിക പദ്ധതികൾക്ക് അം​ഗീകാരം നൽകുന്നതിനും 2023-24 ലെ വാർഷിക പദ്ധതി ഭേദ​ഗതി പ്രോജക്ടുകളുടെ അംഗീകാരത്തിനുമായി ജില്ലാ ആസൂത്രണ സമിതി യോ​ഗം ചേർന്നു. ജില്ലാ പഞ്ചായത്ത് പ്രസിഡന്റ് ഷീജ ശശി അദ്ധ്യക്ഷത വഹിച്ചു. 28 തദ്ദേശ സ്വയംഭരണ സ്ഥാപനങ്ങളുടെ വാർഷിക പദ്ധതികൾക്ക് യോ​ഗം അം​ഗീകാരം നൽകി. മാലിന്യമുക്ത നവകേരളം പദ്ധതിയുടെ ഭാ​ഗമായി നൂറ് ശതമാനം വാതിൽപടി ശേഖരണം കെെവരിച്ച തദ്ദേശ സ്വയംഭരണ സ്ഥാപനങ്ങളെ ആദരിച്ചു. ബ്ലോക്ക്-​ഗ്രാമ പഞ്ചായത്ത് പ്രസിഡന്റുമാർ, മുനിസിപ്പാലിറ്റി ചെയർമാന്മാർ, പഞ്ചായത്തം​ഗങ്ങൾ, ഡി.പി.സി അംഗങ്ങൾ തുടങ്ങിയവർ സംബന്ധിച്ചു.