മണിമല:യുവാവിനെ കൊലപ്പെടുത്താൻ ശ്രമിച്ചയാൾ അറസ്റ്റിൽ. മണിമല വെള്ളാവൂർ ചെറുതോട്ടുങ്കൽ സുരേഷ് (45) നെയാണ് മണിമല പൊലീസ് അറസ്റ്റ് ചെയ്തത്. കോഴിക്കോട് സ്വദേശിയായ യുവാവിനെ കത്തി കൊണ്ട് കുത്തി കൊലപ്പെടുത്താൻ ശ്രമിക്കുകയായിരുന്നു. യുവാവും, യുവാവിന്റെ സുഹൃത്തും സുഹൃത്തിന്റെ ബന്ധുവീടായ മണിമലയിൽ എത്തിയതായിരുന്നു. ഇവിടെവച്ച് ഇവരുടെ അയർവാസിയായ സുരേഷും, യുവാവും തമ്മിൽ വാക്കുതർക്കം ഉണ്ടാവുകയും, സുരേഷ് കയ്യിലിരുന്ന റബർകത്തികൊണ്ട് യുവാവിനെ കുത്തുകയുമായിരുന്നു. പരാതിയെ തുടർന്ന് മണിമല പൊലീസ് കേസെടുത്ത് നടത്തിയ തിരച്ചിലിൽ ഇയാളെ പിടികൂടി. മണിമല സ്റ്റേഷൻ എസ്.എച്ച്.ഒ ജയപ്രകാശ്, എസ്.ഐമാരായ വിജയകുമാർ, അനിൽകുമാർ, സി.പി.ഒമാരായ ജസ്റ്റിൻ, സജിത്ത്, ജിമ്മി ജേക്കബ്, ശ്രീജിത്ത് എന്നിവർ ചേർന്നാണ് ഇയാളെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി.