വണ്ടൻപതാൽ: വാടക കെട്ടിടത്തിൽ പ്രവർത്തിക്കുന്ന മുണ്ടക്കയം സബ് ട്രഷറി ഓഫീസ് നിലവിൽ ഒഴിഞ്ഞ് കിടക്കുന്ന എരുമേലി വടക്ക് വില്ലേജ് ഓഫീസ് കെട്ടിടത്തിലേക്ക് മാറ്റി സ്ഥാപിക്കണമെന്ന് വണ്ടൻപതാൽ ജനസൗഹാർദ്ദ വേദി ആവശ്യപ്പെട്ടു. യോഗത്തിൽ രക്ഷാധികാരി ഉമേഷ് ചെമ്പൻകുളം അദ്ധ്യക്ഷത വഹിച്ചു. ഇത് വഴി സംസ്ഥാന സർക്കാരിന് ലക്ഷങ്ങൾ ലാഭിക്കാനും നശിച്ച് പോകുന്ന കെട്ടിടം സംരക്ഷിക്കാനും സാധിക്കും. യോഗത്തിൽ സജീവൻ പുത്തൻ വീട്ടിൽ, സാലിഹ് അമ്പഴത്തിനാൽ, ഫൈസൽ പുതുപ്പറമ്പിൽ, വിജയൻ ചടയനാൽ, സുധാകരൻ പുതുപ്പറമ്പിൽ, ഷാജി തെക്കേ വയലിൽ, തോമസ് കോശി മരുതി മൂട്ടിൽ, ജോമോൻ പാറയിൽ, സിബി പാലയേക്കര എന്നിവർ പങ്കെടുത്തു.