കോട്ടയം : ജില്ലയിലെ 33 പഞ്ചായത്തുകൾ ഹരിതകർമസേനയുടെ 90 ശതമാനം യൂസർ ഫീ എന്ന നേട്ടത്തിലേക്ക് എത്തിയതായി മാലിന്യമുക്തം നവകേരളം കാമ്പയിൻ സെക്രട്ടേറിയറ്റ് അവലോകനയോഗം വിലയിരുത്തി. കളക്ടറേറ്റിൽ തദ്ദേശസ്വയംഭരണ വകുപ്പ് ജോയിന്റ് ഡയറക്ടർ ബിനു ജോണിന്റെ അദ്ധ്യക്ഷതയിലായിരുന്നു യോഗം. ഇതുവരെ നടത്തിയ കാമ്പയിൻ പ്രവർത്തനങ്ങൾ വിലയിരുത്തി. രണ്ടാംഘട്ട മാലിന്യമുക്ത പ്രവർത്തനങ്ങൾ വിലയിരുത്തുന്നതിനായി ജില്ലാതല സംഘാടകസമിതി ചേരാനും നിയോജക മണ്ഡല സംഘാടകസമിതി ചേരാനും തീരുമാനിച്ചു. ജി. അനീസ്, ടി.പി. ശ്രീശങ്കർ, ബെവിൻ ജോൺ, ലക്ഷ്മി പ്രസാദ്, എം.ഹസീന മുംതാസ്, പ്രിയങ്ക പ്രകാശ്, ഷെറഫ് പി.ഹംസ, പി.എ. അമാനത്ത് എന്നിവർ പങ്കെടുത്തു.