കോട്ടയം: നിരന്തര കുറ്റവാളിക്ക് കാപ്പാ ചുമത്തിയ ജില്ലാ പൊലീസിന്റെ ന​ടപടി സർ​ക്കാർ അം​ഗീ​ക​രി​ച്ചു. കുറവിലങ്ങാട് കാഞ്ഞിരംകുളം കോ​ളനി കള​രിക്കൽ ജയനെ (48) യാണ് ജില്ലാ പൊലീസ് മേധാവി കെ.കാർത്തിക്ക് സമർപ്പിച്ച റിപ്പോർട്ടിന്റെ അടിസ്ഥാനത്തിൽ കാപ്പ നിയമപ്രകാരം വിയ്യൂർ സെൻട്രൽ ജയിലിൽ കരുതൽ തടങ്കലിൽ അടച്ചിരുന്നത്. ഇതിനെതിരെ ജയൻ കാപ്പ ഉപദേശക സമിതിയിൽ അപ്പീ​ലിന് പോയിരുന്നു. എ​ന്നാൽ, പ്രതിയുടെ അപ്പീൽ തള്ളിക്കൊണ്ട് കാപ്പാ ചുമത്തിയ പൊലീസിന്റെ നടപടി സമിതി ശരി വയ്ക്കു​കയും സർ​ക്കാർ അംഗീകരിക്കുകയും ചെയ്തു. ഇയാൾക്ക് കുറവിലങ്ങാട്, തൃശ്ശൂർ ഈസ്റ്റ്, മൂവാറ്റുപുഴ, തിരുവല്ല, പന്തളം എന്നീ സ്റ്റേഷനുകളിൽ കൊലപാതകശ്രമം, അടിപിടി, മോഷണം തുടങ്ങിയ കേസുകൾ നിലവിലുണ്ട്.