കോട്ട​യം: മകരവി​ള​ക്ക് പ്ര​മാ​ണി​ച്ച് കോട്ടയത്ത് നിന്ന് കൂ​ടു​തൽ സർവീസു​മാ​യി കെ.എസ്.ആർ.ടി.സി. മകരവിളക്ക് സീസണിൽ നിലവിൽ 50 ബസുകളാണ് കോട്ടയം കേന്ദ്രീ​ക​രിച്ച് കെ.എസ്.ആർ.ടി.സി ഓപ്പറേറ്റ് ചെയ്യുന്നത്. തിരക്ക് പരിഗണിച്ച് മകരവിളക്കിന് മുമ്പുള്ള മൂന്നു ദിവസങ്ങളിൽ 10 ബസുകൾ കൂടി അധിക സർവീസ് നട​ത്തും. മ​ണ്ഡ​ല​കാലത്തെ പാ​ക​പ്പി​ഴ​കൾ​കൂ​ടി ക​ണ​ക്കി​ലെ​ടു​ത്താ​ണ് തീ​രു​മാനം. മണ്ഡലകാലത്ത് 45 ബസുകളാണ് ഓപ്പറേറ്റ് ചെയ്തിരുന്നത്. കോട്ടയം റെയിൽവേ സ്‌​റ്റേഷന് മുന്നിലെ പാർ​ക്കിംഗിന്റെ പേരിൽ പലപ്പോഴും യാത്രക്കാരുടെ സൗകര്യമനുസരിച്ച് സർവീസ് ഓപ്പറേറ്റ് ചെയ്യാൻ കഴിഞ്ഞിരുന്നില്ല. മണ്ഡലകാലത്ത് രണ്ടു ഘട്ടങ്ങളിലായി തമിഴ്നാട്ടിലുണ്ടായ പ്രള​യവും കെ.എസ്.ആർ.ടി.സിയുടെ വരുമാന​ത്തെ ബാ​ധി​ച്ചി​രുന്നു. എന്നാൽ മകരവിളക്ക് സീസണിൽ മികച്ച വരുമാനമാണ് ലഭിക്കുന്നത്.

ബസുകൾ എരുമേലി വഴി

കോട്ടയം റെയിൽവേ സ്റ്റേഷനിൽ നിന്ന് ആരംഭിച്ച് എരുമേലി വഴി പമ്പയ്ക്കാണ് മുഴുവൻ സർവീസുകളും ക്രമീകരിച്ചിരിക്കുന്നത്. റെയിൽവേ സ്റ്റേഷനിൽ സദാസമയവും തീർത്ഥാടകരെ കാത്ത് കെ.എസ്.ആർ.ടി.സിയുണ്ടാ​കും. മകരവിളക്ക് ദർശന​ത്തിന് ശേഷമുണ്ടാകുന്ന തി​രക്ക് കണക്കിലെടുത്ത് പ്രത്യേക ക്രമീകര​ണ​വു​മുണ്ട്. പമ്പയിൽ നിന്നു മടങ്ങിവരുന്ന ബസുകളിൽ 12 എണ്ണം കൂടി മകരവിളക്ക് ദിവസം തിരിച്ചു പമ്പയിലേക്ക് വിടും. പമ്പയിലേക്കുള്ള യാത്രയിൽ യാത്രക്കാരെ പ്രതീക്ഷിക്കുന്നില്ലെങ്കിലും തിരികെയുള്ള തീർത്ഥാടകരുടെ യാത്ര സുഗമമാക്കുകയാണ് ലക്ഷ്യം.

കോട്ടയത്തേയ്ക്ക് സർവീസുകൾ: 80

മകരവിളക്ക് ദർശ​ന​ത്തിന് ശേഷം കോട്ടയത്തേയ്ക്ക് 80 സർവീസുകൾ വരെ ഓപ്പറേറ്റ് ചെയ്യാനാണ് അധികൃതരുടെ ശ്ര​മം. മകരവിളക്ക് സീസൺ അവസാനിക്കുമ്പോൾ റെക്കാഡ് വരുമാന​വും പ്രതീക്ഷിക്കു​ന്നുണ്ട്.

അധിക ബസുകൾ: 10 എണ്ണം

ജില്ല​യി​ലെ​ത്തു​ന്ന എല്ലാ തീർത്ഥാടകരെയും പമ്പയിൽ എത്താനുള്ള ക്രമീകരണം ഏർപ്പെടുത്തും. ശബരിമല തീർത്ഥാടകരുടെ യാത്ര സുഗമമാക്കുകയാണ് ലക്ഷ്യം.

കെ.എസ്.ആർ.ടി അധികൃതർ