കാഞ്ഞിരം: ജാർഖണ്ഡിൽ നടന്ന ദേശീയ ത്രോബോൾ മത്സരത്തിൽ കേരളത്തെ പ്രതിനിധീകരിച്ച കിളിരൂർ എസ്.എൻ.ഡി.പി ഹയർ സെക്കൻഡറി സ്‌കൂളിലെ വിദ്യാർത്ഥികളായ ഫർദീൻ മുഹമ്മദ്, ആൽബിൻ ജെയിംസ്, ആസിഫ് നവാസ്, എം.ആർ വസുദേവ്, സംസ്ഥാന തലത്തിൽ ജില്ലയെ പ്രതിനിധീകരിച്ച് ടെന്നി ക്വിറ്റ് മത്സരത്തിൽ മൂന്നാം സ്ഥാനം ലഭിച്ച ഹരികൃഷ്ണൻ എന്നീ കായിക പ്രതിഭകളെ കായിക അദ്ധ്യാപകൻ സി.എസ് ഷിജു, സ്‌കൂൾ മാനേജർ എ.കെ മോഹനൻ, സ്‌കൂൾ പ്രിൻസിപ്പൽ പി.എസ് ലിൻസി, സ്‌കൂൾ പ്രഥമ അദ്ധ്യാപിക പി.ഗീത, വാർഡ് മെമ്പർ സുമേഷ് കുമാർ, പി.ടി.എ പ്രസിഡന്റ് ഒ.എസ് അനീഷ് കുമാർ, മാനേജ്‌മെന്റ് അംഗങ്ങൾ, പി.ടി.എ അംഗങ്ങൾ, അദ്ധ്യാപകർ, വിദ്യാർത്ഥികൾ ചേർന്ന് സ്വീകരിച്ചു. ഇല്ലിക്കൽ ജംഗ്ഷനിൽ നിന്നും വിളംബരവാഹനത്തിന്റെ അകമ്പടിയോടെ എത്തിയ വിദ്യാർത്ഥികളെയും അദ്ധ്യാപകനെയും കാഞ്ഞിരം ജംഗ്ഷനിലാണ് സ്വീകരിച്ചത്. തുടർന്ന് സ്‌കൂളിലെ ഈ വർഷത്തെ കായികമേളക്ക് ഇവർ അഞ്ചുപേരും ചേർന്ന് ദീപശിഖ തെളിയിച്ചു.