കോ​ട്ട​യം:വർ​ഷ​ങ്ങ​ളായി ത​കർ​ന്ന് ത​രി​പ്പ​ണ​മാ​യി കി​ട​ന്നി​രു​ന്ന ജന​റൽ ആ​ശു​പത്രി കോ​മ്പൗ​ണ്ടി​ലെ റോ​ഡി​ന് ശാ​പ​മോ​ക്ഷ​മായി. ന​ഗ​ര​മ​ദ്ധ്യത്തിൽ സ്ഥി​തി ചെ​യ്യു​ന്ന​ ആ​ശു​പ​ത്രി​യാ​ണിത്. ദി​നം​പ്ര​തി നൂ​റ് ക​ണ​ക്കി​നാ​ളു​കൾ ചി​കി​ത്സ ​തേ​ടി​യെ​ത്തു​ന്ന ആ​തു​രാ​ല​യ​ത്തി​ലാ​ണ് സ​ഞ്ചാ​ര​യോ​ഗ്യ​മല്ലാ​തി​രുന്ന റോ​ഡ് സ്ഥിതി ചെ​യ്​തി​രു​ന്ന​ത്. മൂ​ന്ന് ക​വാ​ട​ങ്ങ​ളാ​ണ് ആ​ശു​പ​ത്രി​യി​ലു​ള്ള​ത്.
ആ​ശു​പ​ത്രി​യുടെ പിൻ​വശം റോ​ഡി​ലു​ള്ള പ്ര​വേ​ശ​ന ക​വാ​ട​മാ​ണ് പൂർ​ണ​മാ​യി ത​കർ​ന്ന് ത​രി​പ്പ​ണ​മാ​യി കി​ട​ന്നി​രു​ന്ന​ത്. വ​ലു​തും ചെ​റു​തുമാ​യ കു​ഴി​കളും ഇ​വി​ടെ രൂ​പ​പ്പെ​ട്ടി​രുന്നു. കയ​റ്റവും ഇറ​ക്കവും ഉള്ള റോഡിൽ കു​ഴി​കളും കല്ലു​ക​ളും നി​റ​ഞ്ഞ​ത് ദുരി​തമായി​രു​ന്നു. മോർ​ച്ച​റി, ടി.ബി വി​ഭാഗം, എൻ.എ​ച്ച്.എം വി​ഭാ​ഗം എന്നി​വ പ്ര​വർ​ത്തി​ക്കുന്ന​ത് ത​കർന്ന റോഡി​നോ​ട് ചേർ​ന്നാ​ണ്. ഇവിടെ ഇ​രു​ച​ക്ര​വാ​ഹന​ങ്ങൾ അ​പ​ക​ട​ത്തിൽ​പ്പെ​ടുന്ന​ത് പ​തി​വ് സം​ഭ​വ​മാ​യി​രു​ന്നു. ക​ന​ത്ത മ​ഴയിൽ റോ​ഡിൽ കല്ലും മണ്ണും കു​ത്തിയൊ​ലി​ച്ച് ഒഴുകുന്നതും പ​തി​വാ​യി​രു​ന്നു.

10 ല​ക്ഷം അ​നു​വ​ദിച്ചു
ആ​ശു​പത്രി റോ​ഡ് ത​കർ​ന്ന് കി​ട​ക്കുന്ന​ത് സം​ബ​ന്ധി​ച്ച് നി​രന്ത​രം പ​ത്ര​മാ​ദ്ധ്യ​മ​ങ്ങളിൽ വാർത്തകൾ വ​ന്നി​രു​ന്നു. ഇ​തേ​തു​ടർ​ന്ന് ജില്ലാ പ​ഞ്ചാ​യ​ത്തി​ന്റെ തന​ത് ഫ​ണ്ടിൽ നിന്നും റോ​ഡ് ന​ന്നാ​ക്കു​ന്ന​തി​നാ​യി 10 ല​ക്ഷം രൂ​പ അ​നു​വ​ദി​ക്കു​കയും ചെ​യ്​തു. തു​ക അ​നു​വ​ദി​ച്ചെ​ങ്കിലും എ​ട്ടു​മാ​സ​മാ​യി നിർ​മ്മാ​ണ ​പ്ര​​വർത്ത​നം ആ​രം​ഭിക്കാൻ സാ​ധി​ച്ചില്ല. ടെൻഡർ​ എ​ടുക്കാൻ ആ​ളില്ലാ​തി​രു​ന്ന​താ​ണ് നിർ​മ്മാ​ണം വൈകാൻ ഇ​ട​യാ​ക്കി​യ​ത്.

മൂ​ന്ന് രീ​തിയിൽ നിർ​മ്മാണം
കോൺ​ക്രീറ്റ്, ഇന്റർ​ലോ​ക്ക് കട്ട​കൾ പാ​കൽ, വെ​ള്ളം ഒ​ഴു​കി​പ്പോ​കു​ന്ന​തി​നു​ള്ള സം​വി​ധാ​നം എ​ന്നിങ്ങ​നെ മൂ​ന്ന് രീ​തി​യി​ലാ​ണ് റോ​ഡി​ന്റെ നിർ​മ്മാ​ണം. കൂ​ടാ​തെ,ഹാൻ​ഡ് ഡ്രില്ലും സ്ഥാ​പി​ക്കു​ന്നു​ണ്ട്.

നിർമ്മാ​ണ പ്ര​വർ​ത്തന​ങ്ങൾ ആ​രം​ഭിച്ചു. കോൺ​ക്രീ​റ്റിം​ഗ് ജോ​ലി​ക​ൾ പു​രോ​ഗ​തി​യി​ലാണ്. ര​ണ്ടാ​ഴ്​ച്ച കൊ​ണ്ട് നിർ​മ്മാ​ണം പൂർ​ത്തി​യാ​ക്കും. ( ആ​ന​ന്ദ​ക്കു​ട്ടൻ, എ​ച്ച്.എം.സി മെ​മ്പർ)