കോട്ടയം: എസ്.എൻ.ഡി.പി യോഗത്തിന്റെ 122ാമത് സ്ഥാപക ദിനാഘോഷ സമ്മേളനം കോട്ടയം യൂത്ത്മൂവ്‌മെന്റ് യൂണിയൻ സമിതിയുടെ ആഭിമുഖ്യ​ത്തിൽ നാഗമ്പടം ശിവഗിരി തീർത്ഥാടനാനുമതി സ്മാരക പവലിയ​നിൽ​ ന​ട​ന്നു. യൂത്ത്മൂവ്‌മെന്റ് സംസ്ഥാന പ്രസിഡന്റ് സന്ദീപ് പച്ചയിൽ ഉദ്ഘാ​ട​നം ചെ​യ്​തു. യൂത്ത്മൂവ്‌മെന്റ് യൂണിയൻ പ്രസിഡന്റ് ലിനീഷ് റ്റി.ആക്കളം അദ്ധ്യക്ഷത വഹിച്ചു.

എസ്.എൻ.ഡി.പി യോഗം കോട്ടയം യൂണിയൻ പ്രസിഡന്റ് എം.മധു ആമുഖപ്രസംഗം നടത്തി. യോഗം കൗൺസിലർ എ.ജി തങ്കപ്പൻ, കോട്ടയം യൂണിയൻ സെക്രട്ടറി ആർ.രാജീവ് എന്നിവർ സ്ഥാപകദിന സന്ദേശവും നൽ​കി. സ്ഥാപകദിനത്തിന്റെ സന്തോഷം കേക്ക് മുറിച്ചും, 122 ബലൂണുകൾ മാനത്തേയ്ക്ക് പറത്തിയും ആഘോഷിച്ചു.
യൂത്ത്മൂവ്‌മെന്റ് സംസ്ഥാന വൈസ് പ്രസിഡന്റ് സജീഷ് കുമാർ മണലേൽ, സംസ്ഥാന ജോ​യിന്റ് സെക്രട്ടറി അനിൽ കണ്ണാടി, യോഗം ബോർഡ് മെമ്പർ അഡ്വ.ശാന്താറാം റോയി തോളൂർ, യോഗം സൈബർസേന കൺവീനർ ഷെൻസ് സഹദേവൻ, യൂത്ത്മൂവ്‌മെന്റ് കോട്ടയം ജില്ലാ ചെയർമാൻ ശ്രീദേവ് കെ.ദാസ്, വനിതാസംഘം യൂണിയൻ പ്രസിഡന്റ് ഇന്ദിര രാജപ്പൻ, യൂത്ത്മൂവ്‌മെന്റ് കേന്ദ്രസമിതി അംഗങ്ങളായ ബിബിൻ ഷാൻ, യൂജീഷ് ഗോപി, യൂത്ത്മൂവ്‌മെന്റ് കോട്ടയം യൂണിയൻ ജോ.സെക്രട്ടറി അനന്തൻ ചിറയിൽ തുടങ്ങി​യ​വർ പ​ങ്കെ​ടു​ത്തു. സ്ഥാപക ദിനാഘോഷത്തിന്റെ ഭാഗമായി ശിവഗിരി തീർത്ഥാടന പദയാത്ര 25 വർഷം തുടർച്ചയായി നടത്തിയ യൂത്ത്മൂവ്‌മെന്റ് തെക്കൻ മേഖല ചെയർമാൻ ബിനമോഹനേയും, കഴിഞ്ഞ 22 വർഷമായി ശിവഗിരി തീർത്ഥാടന പദയാത്ര വിജയകരമായി നടത്തി വരുന്ന പാമ്പാടി യൂത്ത്മൂവ്‌മെന്റ് യൂണിറ്റിനേയും ആദരിച്ചു. യൂത്ത്മൂവ്‌മെന്റ് യൂണിയൻ സെക്രട്ടറി എം.എസ് സുമോദ് സ്വാഗത​വും വൈസ് പ്രസിഡന്റ് സനോജ് ജോനകംവിരു​തിൽ നന്ദിയും പ​റഞ്ഞു.