കോട്ടയം : വെളിയന്നൂർ ഗ്രാമപഞ്ചായത്തിൽ ഭിന്നശേഷി കുട്ടികളുടെ കലാകായികമേള സംഘടിപ്പിച്ചു. ഗായിക വൈക്കം വിജയലക്ഷ്മി ഉദ്ഘാടനം നിർവഹിച്ചു.പഞ്ചായത്ത് പ്രസിഡന്റ് സജേഷ് ശശി അദ്ധ്യക്ഷത വഹിച്ചു. ഭിന്നശേഷിക്കാരായ 30 കുട്ടികളാണ് മത്സരങ്ങളിൽ പങ്കെടുത്തത്. നാടോടി നൃത്തം, പ്രച്ഛന്നവേഷം, നാടൻ പാട്ട് വിവിധ കലാപരിപാടികൾ അരങ്ങേറി. ഉഴവൂർ ബ്ലോക്ക് പഞ്ചായത്ത് പ്രസിഡന്റ് പി.സി. കുര്യൻ വിജയികൾക്ക് സമ്മാനം വിതരണം ചെയ്തു. ജില്ലാ പഞ്ചായത്ത് അംഗം പി.എം. മാത്യു, ബ്ലോക്ക് പഞ്ചായത്തംഗം രാജു ജോൺ, ഗ്രാമപഞ്ചായത്ത് വൈസ് പ്രസിഡന്റ് ജിനി സിജു, സണ്ണി പുതിയിടം, ജോമോൻ ജോണി, അർച്ചന രതീഷ് എന്നിവർ പങ്കെടുത്തു.