ചങ്ങനാശേരി: ബി.ആർ.സിയും സമഗ്രശിക്ഷ കേരളയും ചേർന്ന് ദിവ്യാംഗന കുട്ടികൾക്കായുള്ള ചങ്ങാതിക്കൂട്ടം നടത്തി. ഗൃഹാധിഷ്ഠിത വിദ്യാഭ്യാസ പദ്ധതിയുടെ ഭാഗമായി ക്രിസ്മസ് പുതുവത്സര ആഘോഷവും നടന്നു. കുട്ടികളുടെ വിവിധ കലാപരിപാടികളും സമ്മാനപ്പൊതി വിതരണവും മധുരം പങ്കുവയ്ക്കലും ചങ്ങാതികൂട്ടത്തിന്റെ മോടികൂട്ടി. കുറിച്ചി പഞ്ചായത്ത് സ്റ്റാന്റിംഗ് കമ്മിറ്റി അദ്ധ്യക്ഷ കൊച്ചുറാണി ജോസഫ് ഉദ്ഘാടനം ചെയ്തു. മെമ്പർ ബി.ആർ മഞ്ജീഷിന്റെ അദ്ധ്യക്ഷത വഹിച്ചു. അദ്ധ്യാപകരായ അംബരീഷ്, ബിന്ദു കെ.നായർ,ആൻസി അഗസ്റ്റിൻ, ഷീജ മോൾ, രശ്മി ഭാസ്കർ അഞ്ചു ധനീഷ് എന്നിവർ പങ്കെടുത്തു.