കോട്ടയം: എൽ.ഡി.എഫിൽ അസംതൃപ്തിയോടെ തുടരുന്ന കേരളാ കോൺഗ്രസ്- എമ്മിന്. യു.ഡി.എഫിലേക്ക് മടങ്ങിവരാൻ ആഗ്രഹമുണ്ടെങ്കിൽ അവരെ സ്വാഗതം ചെയ്യുമെന്നും മറ്റു ഘടകകക്ഷികളുമായ് ഇക്കാര്യം ചർച്ച ചെയ്യുമെന്നും യു.ഡി.എഫ് കൺവീനർ എം.എം. ഹസൻ വാർത്താ സമ്മേളനത്തിൽ പറഞ്ഞു.

ഈ മാസം 25ന് ലോക്‌സഭാ സീറ്റുകൾ സംബന്ധിച്ച് ചർച്ച ആരംഭിക്കും.കൂടുതൽ സീറ്റുകൾ വേണമെന്ന മുസ്ലീം ലീഗിന്റെ ആവശ്യവും അന്ന് ചർച്ച ചെയ്യും. കോട്ടയം ലോക്‌സഭാ സീറ്റ് നിലവിൽ കേരളാ കോൺ ഗ്രസിന്റേതാണ്.

ഇത്തവണ സീറ്റ് നൽകുന്നത് തുടർ ചർച്ചകളിലൂടെ തീരുമാനിക്കും. രാഹുൽ മാങ്കൂട്ടത്തിലിന്റെ അറസ്റ്റ് നീതി നിഷേധമാണെങ്കിലും, ഉറങ്ങിക്കിടന്ന യൂത്ത് കോൺഗ്രസിനെ ഉണർത്താൻ സഹായകമായെന്നും ഹസൻ പറഞ്ഞു