കോട്ടയം : കെ.എസ്.ആർ.ടി.സി പമ്പ സ്‌​പെഷ്യൽ ബസും, വാനും കൂട്ടിയിടിച്ച് തീർ​ത്ഥാകരടക്കം ആറ് പേർക്ക് പരിക്കേറ്റു. ഇന്ന​ലെ വൈ​കിട്ട് മുക്കൂട്ടുതറ മുട്ടപ്പള്ളിയ്ക്ക് സമീപം കുട്ടപ്പായി പടി​യി​ലാ​യി​രുന്നു അപകടം. പമ്പയിൽ നിന്ന് എറണാകുളത്തേക്ക് പോകുകയായിരുന്ന ബസിൽ എ​തിർ​ദി​ശ​യി​ലെത്തിയ വാൻ ഇടിക്കുകയായി​രുന്നു. കോയമ്പത്തൂരിൽ നിന്ന് എത്തിയ വാൻ തീർത്ഥാടകരെ എരുമേലിയിൽ ഇറക്കിയ ശേഷം പമ്പയിലേ​ക്ക് പോ​കു​ക​യാ​യി​രുന്നു. വാൻ ഡ്രൈവർ പാലക്കാട് സ്വദേശി ദീപക് (38) നെ ഒരുമണിക്കൂറോളം നടത്തിയ ശ്രമത്തിനൊടുവിലാണ് പുറത്തെടുക്കാനായത്. കാലിന് ഗുരുതരപരിക്കേറ്റ ഇയാളെ മെഡിക്കൽ കോളേ​ജിൽ പ്ര​വേ​ശി​പ്പിച്ചു. ബാക്കി പരിക്കേറ്റവർ ബസിലുണ്ടായിരുന്നവരാണ്. നാട്ടുകാരും, മോട്ടോർ വാഹന വകുപ്പ് ഉദ്യോഗസ്ഥരും, ഫയർഫോഴ്സും ചേർന്നാണ് രക്ഷാപ്രവർത്തനം നടത്തിയത്. അപകടത്തെ തുടർന്ന് രണ്ട് മണിക്കൂറോളം ഗ​താ​ഗ​തം തടസപ്പെ​ട്ടു.