കോ​ട്ട​യം:ക​ടു​ത്ത വ​രൾ​ച്ച നേ​രി​ടു​ന്ന​തി​ന് മുൻ​പേ, ലി​റ്റർ ക​ണ​ക്കി​ന് ശു​ദ്ധജ​ലം പാ​ഴാ​കുന്നു. പാക്കിൽ പാ​ല​ത്തി​ങ്കൽ തോ​പ്പിൽ റോ​ഡി​ന് സ​മീ​പ​ത്താ​ണ് പൈ​പ്പ് പൊ​ട്ടി ശു​ദ്ധജ​ലം പാ​ഴാ​കു​ന്നത്. വേ​നൽ​ക്കാല​ത്ത് കു​ടി​വെ​ള്ള​ത്തി​ന് ക​ടു​ത്ത ക്ഷാ​മം നേ​രി​ടു​ന്ന പ്ര​ദേ​ശ​മാ​ണിത്. പൈ​പ്പ് പൊ​ട്ടുന്ന​ത് ശ്ര​ദ്ധ​യിൽ​പ്പെ​ട്ടിട്ടും അ​ധി​കൃ​തർ വേ​ണ്ട ന​ട​പ​ടി​കൾ സ്വീ​ക​രി​ക്കു​ന്നി​ല്ലെ​ന്ന ആ​ക്ഷേ​പവും ഉ​യ​രു​ന്നു.

കു​ടി​വെ​ള്ള​ത്തി​നാ​യി നെ​ട്ടോട്ടം

ന​ഗ​ര​സ​ഭ​യു​ടെ 33ാം വാർ​ഡാ​ണി​ത്. ജ​ല​ക്ഷാമം രൂക്ഷമാകുമ്പോഴാ​ണ് ദി​വ​സ​ങ്ങ​ളായി പൈപ്പ് പൊട്ടി വെള്ളം പാഴാകുന്ന​ത്. പ്രാ​ഥ​മി​കാ​വ​ശ്യ​ങ്ങൾ​ക്ക് ഉൾ​പ്പെ​ടെ ​വെ​ള്ളം വി​ല​യ്​ക്ക് വാ​ങ്ങേ​ണ്ട സ്ഥി​തി​യാ​ണ് പ്ര​ദേ​ശ​വാ​സി​കൾ​ക്ക്. കു​ടി​വെ​ള്ള ലോ​ബി​കൾ തോ​ന്നുംപ​ടി വി​ല​യാ​ണ് ഈ​ടാ​ക്കു​ന്ന​തും. പൈ​പ്പ് പൊ​ട്ടൽ ഇ​വി​ടെ പ​തി​വാ​ണെ​ന്നും പ്ര​ദേ​ശ​വാ​സി​കൾ പ​റ​യു​ന്നു. ഇന്റർലോക്ക് പാകിയിരി​ക്കു​ന്ന പാതയിലാണ് പൈപ്പ് പൊ​ട്ടി ഒ​ഴു​കു​ന്നത്. ദിവസവും ആയിരക്ക​ണ​ക്കിന് ലിറ്റർ വെള്ള​മാണ് പാഴായിപ്പോകുന്നത്. ഓടയില്ലാത്തതിനാൽ റോഡിൽ വെള്ളക്കെട്ടും രൂപപ്പെടുന്നു. അധികൃതരുടെ ശ്രദ്ധയിൽപ്പെട്ടിട്ടും നടപടിയുണ്ടാകുന്നില്ലെന്ന ആക്ഷേപവും ഉയരുന്നുണ്ട്. ദിവസവമുള്ള വെള്ളമൊഴുക്കിൽ ഇന്റർലോക്ക് തകരുകയും വലുതും ചെറുതുമായ കുഴികളും ഇവി​ടെ രൂ​പ​പ്പെ​ടു​ന്ന​തി​നും റോ​ഡ് ത​ക​രു​ന്ന​തി​നും ഇ​ട​യാ​ക്കുന്നു. വെള്ളം ഒഴുകുന്നത് കാൽനടയാത്രക്കാരെയും ദുരിതത്തിലാക്കു​ന്നു. ബ​സ് കാ​ത്തി​രി​പ്പ് കേ​ന്ദ്രവും ഇ​തി​ന് സ​മീ​പ​ത്താ​ണ്. വാ​ഹന​ങ്ങൾ ക​ടന്നു​പോ​കു​മ്പോൾ യാ​ത്ര​ക്കാ​രു​ടെ ദേ​ഹ​ത്തെ​യ്​ക്ക് വെ​ള്ളം വീ​ഴു​ന്ന​തി​നും ഇ​ട​യാ​ക്കു​ന്നു. പൈപ്പ് പൊട്ടൽ പരിഹരിക്കുകയും വെള്ളം പാഴാ​ക്കാതെ സംരക്ഷിക്കുന്നതിനും വേണ്ട നടപടികൾ അധികൃതർ സ്വീകരിക്ക​ണമെന്ന പ്രദേശവാസികളുടെ ആവശ്യം ശക്തമാകുന്നു.