ചങ്ങനാ​ശേരി: സർഗക്ഷേത്ര വിമൻസ് ഫോറത്തിന്റെ നേതൃത്വത്തിൽ തിരഞ്ഞെടുത്ത 100 കാൻസർ രോഗികൾ​ക്ക് സർഗക്ഷേത്ര ഓഡിറ്റോറിയ​ത്തിൽ ചികിത്സാധ​നവും വിഗ്ഗും കിറ്റും വിതരണം ചെയ്തു. അറുപതോളംവരുന്ന സർഗക്ഷേത്ര വിമൻസ് ഫോറം അംഗങ്ങളുടെ സഹകരണത്തിലൂടെയാണ് ഇതിനാവശ്യമായ ധനസമാഹരണം നടത്തിയത്. ചികിത്സാസഹായ വിതരണം സോഷ്യൽ ആക്ടിവിസ്റ്റായ ദയാ ഭാ​യി ഉ​ദ്​ഘാട​നം ചെ​യ്​തു. സർഗക്ഷേത്ര വിമൺസ് ഫോറം പ്രസിഡന്റ് മിനി ജേക്കബ് അദ്ധ്യക്ഷത വ​ഹി​ച്ചു. നിഷ ജോസ് കെ.മാണി മുഖ്യാ​ഥി​തി​യായി. വാഴപ്പള്ളി ഗ്രാമപഞ്ചായത്ത്​ പ്രസിഡന്റ് മിനി വിജയകുമാർ, സർഗക്ഷേത്ര ഡയറക്ടർ ഫാ. അലക്സ് പ്രായി​ക്ക​ളം, വിമൺസ് ഫോറം സെക്രട്ടറി മഞ്ചു ബിജോയ്, പ്രോഗ്രാം കോർഡിനേറ്റർ എൽസമ്മ കോട്ടപ്പുറം, ബീന ജോസ്, റെനി സുനിൽ, ടെസ്സി സെബാസ്റ്റ്യൻ എന്നി​വർ പ​ങ്കെ​ടു​ത്തു.