പാലാ: പാലാ നഗരസഭയ്ക്ക് 13.50 കോടി രൂപയുടെ കരട്പദ്ധതി. നഗരസഭാ വികസന സെമിനാറിൽ കരട് പദ്ധതിരേഖ വികസനകാര്യ സ്റ്റാൻഡിംഗ് കമ്മിറ്റി ചെയർമാൻ സാവിയോ കാവുകാട്ട് അവതരിപ്പിച്ചു. മുൻ നഗരസഭാ ചെയർമാൻ ആന്റോ പടിഞ്ഞാറക്കരയുടെ അദ്ധ്യക്ഷതയിൽ ചേർന്ന വികസന സെമിനാർ നഗരസഭാ അദ്ധ്യക്ഷ ജോസിൻ ബിനോ ഉദ്ഘാടനം ചെയ്തു.

സ്റ്റാൻഡിംഗ് കമ്മിറ്റി ചെയർമാൻമാരായ ബിന്ദു മനു, ഷാജു തുരുത്തൻ, മായാ പ്രദീപ്, ബിജി ജോജോ എന്നിവർ ആശംസകൾ നേർന്നു. നഗരസഭാ കൗൺസിലർമാർ, കുടുംബശ്രീ ചെയർപേഴ്‌സൺ ശ്രീകല ശശികുമാർ, നിർവഹണ ഉദ്യോഗസ്ഥർ, നഗരസഭ ജീവനക്കാർ, വിവിധ വർക്കിംഗ് ഗ്രൂപ്പ് അംഗങ്ങൾ, സാംസ്‌കാരിക നേതാക്കൾ, മുനിസിപ്പൽ എൻജിനീയർ സിയാദ് എ, സൂപ്രണ്ട് പി. എൻ ഗീത, ലൈബ്രറിയൻ പി. സിസിലി, പ്ലാൻ ക്ലർക്ക് ഷെമീം, പി.എ. പയസ്, രവി പാലാ, ബിജോയ് മണർകാട്ട് എന്നിവർ സെമിനാർ നയിച്ചു.