കോട്ട​യം : ശ​ബ​രി​മ​ല സീ​സണിൽ പ്ര​തി​സ​ന്ധി​കൾ​ക്കി​ട​യിലും നേ​ട്ടം കൊ​യ്​ത് കോട്ടയം കെ.എ​സ്.ആർ.ടി.സി ഡിപ്പോ. മണ്ഡലകാലത്ത് 2.71 കോടി രൂപയായിരുന്നു വരുമാനം. ഡിസംബർ 28 ന് ആരംഭിച്ച മകരവിളക്ക്​ സീസ​ണിൽ ല​ഭിച്ചത് 1.38 കോ​ടി. ഇ​ന്ന് ശ​ബ​രി​മ​ല പ്ര​ത്യേ​ക സർ​വീ​സു​കൾ അ​വ​സാ​നി​പ്പി​ക്കാ​നാ​ണ് അ​ധി​കൃ​ത​രു​ടെ തീ​രു​മാ​നം. ഇന്നലെ രാത്രിയോടെ തീർത്ഥാടകർ ഒഴിയുമെങ്കിലും ജീവനക്കാരെയും മറ്റും നാടുകളിലേക്ക് എത്തിക്കാൻ ലക്ഷ്യമിട്ടാ​ണ് ഇ​ന്ന് ബസുകൾ ഓടുക. ഇതിനുശേഷം ബസുകളെല്ലാം അതാത് ഡിപ്പോകളിലേക്ക് മടങ്ങും. റെയിൽവേ സ്റ്റേഷൻ കേന്ദ്രീകരിച്ചുള്ള സർവീസുകളും നിറുത്തും. ശബരിമല സർവീസുകൾക്കായി രണ്ട് ഘട്ടങ്ങളിലായി 30 ഡിപ്പോ​കളിൽ നി​ന്നുള്ള ബസുകളും ജീവന​ക്കാ​രു​മാണ് എത്തിയത്. കോട്ടയം ഡിപ്പോയിലെ 20 ബസുകളും ശബരിമല സർവീസിനായി ഉപയോഗിച്ചു. ഇതിൽ പകുതിയോളം ബസുകൾ മാത്രമായിരുന്നു കോട്ടയം റെയിൽവേ സ്റ്റേഷൻ കേന്ദ്രീകരിച്ചുള്ള സർവീസുകൾക്കായി ഉപയോഗിച്ച​ത്. ബാക്കി പത്തനംതിട്ട, എരുമേലി, പമ്പ, ചെങ്ങന്നൂർ എന്നിവിടങ്ങളിലാണ് ഓടി​യത്. പെരിന്തൽമണ്ണ ഡിപ്പോയിൽനിന്നാണ് എറ്റവും കൂടുതൽ ബസുകൾ എത്തിയത്​ നാല് എണ്ണം.

തുടക്കത്തിൽ താളപ്പിഴകൾ

സ്‌​റ്റേഷന് മുമ്പിൽ ബസുകളുടെ പാർ​ക്കിം​ഗിന് റെയിൽവേ തടസം സൃഷ്ടിച്ചു

തമിഴ്നാട്ടിലുണ്ടായ പ്രളയത്തെതുടർന്ന് ഭക്തരുടെ എണ്ണം കു​റ​​ഞ്ഞു

കാലപ്പഴക്കം ചെന്ന ബസുകൾ സർവീസിന് അനുവദിച്ചു

പുതിയ ബസുകളൊന്നും ഇത്തവണ അനുവദിച്ചിരു​ന്നില്ല.

സർവീസ് നടത്തിയത്

മണ്ഡലകാലത്ത് 45​ - 50 ബസുകൾ