ചങ്ങനാ​ശേ​രി : ഡി.എം.ഒ നേരിട്ട് ഇടപെട്ടതോടെ ജനറൽ ആശുപത്രിയിലെ സൂപ്രണ്ടും ജീവനക്കാരും തമ്മിലുള്ള ശീതസമരം അവസാ​നിച്ചു. ഇന്നലെ ഡി.എം.ഒ ഡോ.വിദ്യാധരൻ സൂപ്രണ്ടും ജീവനക്കാരുമാ​യി ര​ണ്ട് മണിക്കൂറോ​ളം ചർച്ച ന​ടത്തി. ഏജൻസികൾക്കും മെഡിക്കൽ ​സ്റ്റോറുകൾക്കും കൊടുത്ത് തീർക്കാനുള്ള കുടിശിക തുക എത്രയും വേഗം കൈമാറണമെ​ന്ന് സൂപ്രണ്ടിനോട് നിർദ്ദേശിച്ചു. ജീവനക്കാരുടെ പരാതികളും അഭിപ്രായങ്ങളും കേട്ടു. ആശുപത്രിയിലെത്തുന്ന പൊതുജനങ്ങളെ ബാധിക്കുന്ന കാര്യങ്ങൾ യാതൊരു കാരണവശാലും അംഗീകരിക്കാൻ കഴിയില്ലെന്നും അദ്ദേഹം കൂട്ടിച്ചേർത്തു. സൂപ്രണ്ടും ജീവനക്കാരും പ്രശ്​നങ്ങൾ പരസ്​പരം പറഞ്ഞ് തീർക്കാനും നിർദേശി​ച്ചു.