കോട്ടയം : ക്ഷീരവികസനവകുപ്പിന്റെ വാർഷിക പദ്ധതിയിൽ ഉൾപ്പെടുത്തി വൈക്കം ക്ഷീരവികസന യൂണിറ്റിന്റെ പരിധിയിലുള്ള ഉദയനാപുരം ക്ഷീരസംഘത്തിന്റെ ശുചിത്വമുള്ള പാൽ സംഭരണമുറിയുടെ ഉദ്ഘാടനം സി.കെ.ആശ എം.എൽ.എ നിർവഹിച്ചു. വൈക്കം ബ്ലോക്ക് പഞ്ചായത്ത് പ്രസിഡന്റ് കെ കെ.രഞ്ജിത്ത് അദ്ധ്യക്ഷത വഹിച്ചു. ക്ഷീരവികസനവകുപ്പ് ഡെപ്യൂട്ടി ഡയറക്ടർ സി.ആർ. ശാരദ പദ്ധതി വിശദീകരിച്ചു. ജില്ലാ പഞ്ചായത്ത് ആരോഗ്യ വിദ്യാഭ്യാസ സ്ഥിരം സമിതി അധ്യക്ഷ പി. എസ്.പുഷ്പമണി മുഖ്യ പ്രഭാഷണം നടത്തി. ഉദയനാപുരം ഗ്രാമപഞ്ചായത്ത് പ്രസിഡന്റ് പി.കെ.ആനന്ദവല്ലി, കെ. എസ്. ഗോപിനാഥൻ, ടി.പി. രാജലക്ഷ്മി, പി.ഡി. ജോർജ്, കെ.എസ്. സജീവ്, ജിനു സാബു, വിജി വിശ്വനാഥ് എന്നിവർ പങ്കെടുത്തു.