വി​ജ​യ​പു​രം പ​ഞ്ചാ​യ​ത്തി​ൽ പരാതി പ്രളയം

കോട്ടയം: പൈ​പ്പിടാൻ റോഡ് കുഴിച്ചു. പക്ഷേ കുടിവെള്ളം മാത്രം വന്നില്ല. റോ​ഡ് ത​കർ​ന്ന് ത​രി​പ്പ​ണ​മാ​യത് മാത്രം ബാ​ക്കി​. വി​ജ​യ​പു​രം പ​ഞ്ചാ​യ​ത്തി​ലെ പ്രധാന റോ​ഡു​ക​ളാ​ണ് ത​കർ​ന്ന​ത്. ത​ങ്ക​പ്പൻ​മാ​ടം ഇ​റ​ഞ്ഞാൽ ദേ​വീ​ക്ഷേത്രം റോ​ഡ്, കളത്തിൽപ്പ​ടി മ​ധു​രം ചേ​രി​ക്കട​വ് എ​ന്നി​വ​യാ​ണ് പൈപ്പിടാൻ കുഴിച്ചത്. ജൽ ജീ​വൻ മി​ഷൻ പ​ദ്ധ​തി പ്ര​കാ​ര​മാ​ണ് റോഡിൽ പൈ​പ്പ് സ്ഥാ​പി​ച്ച​ത്. പൈ​പ്പ് സ്ഥാ​പി​ക്കു​ന്ന​തി​നാ​യിയെടുത്ത കു​ഴി​കൾ മ​ണ്ണി​ട്ട് മൂ​ടി​യ​തല്ലാതെ റോ​ഡ് റീടാർ ചെ​യ്​തി​ട്ടില്ല. ഇ​തോടെ റോ​ഡിൽ വ​ലുതും ചെ​റു​തുമാ​യ കു​ഴി​ക​ളും രൂ​പ​പ്പെട്ടു. ഇ​രു​ച​ക്ര​വാ​ഹ​ന​ങ്ങ​ൾ കു​ഴി​യിൽ അ​ക​പ്പെ​ട്ട് അ​പ​ക​ട​ത്തിൽ​പ്പെ​ടു​ന്നതും പ​തി​വാണ്. പൈ​പ്പു​കൾ സ്ഥാ​പി​ച്ച് മാ​സ​ങ്ങൾ പി​ന്നി​ട്ടി​ട്ടും നാ​ളി​തുവ​രെ പൈ​പ്പിൽ വെ​ള്ള​മെ​ത്തി​യി​ട്ടില്ല. വേ​നൽ​ ക​ടു​ക്കു​ന്ന​തോടെ പ്ര​ദേശ​ത്ത് കു​ടി​വെ​ള്ള​ക്ഷാ​മ​വും രൂ​ക്ഷ​മാ​ണെ​ന്ന് പ്ര​ദേ​ശ​വാ​സി​കൾ പ​റ​യു​ന്നു. കു​ടി​യ്​ക്കു​ന്ന​തിനും പ്രാ​ഥ​മി​കാ​വ​ശ്യ​ങ്ങൾ​ക്കും ഉൾ​പ്പെ​ടെ വെ​ള്ളം വി​ല​യ്​ക്ക് വാ​ങ്ങേ​ണ്ട സ്ഥി​തി​യാ​ണ്.

നടപടിവേണം, പരാതി നൽകി

വിഷയത്തിൽ അടിയന്തിര നടപടി ആവശ്യപ്പെട്ട് ക​ള​ത്തിൽപ്പ​ടി മൈ​ത്രി റ​സി​ഡന്റ്​സ് വെൽ​ഫെ​യർ അ​സോ​സി​യേ​ഷൻ വാ​ട്ടർ അ​തോ​റിട്ടി അ​സി.എ​ക്​സി​ക്യൂ​ട്ടീ​വ് എൻ​ജി​നീ​യ​റി​ന് പ​രാ​തി ന​ൽ​കി. അ​സോ​സി​യേ​ഷൻ പ്ര​തി​ഷേ​ധ​യോ​ഗത്തിൽ പ്ര​സിഡന്റ് റോ​യി ജോൺ ഇ​ട​യ​ത്ത​റ അ​ദ്ധ്യ​ക്ഷ​ത​വ​ഹിച്ചു. സു​മോ​ദ് പൂ​വ​ക്കു​ന്നേൽ, ജി.ആർ പ​ണിക്കർ, കെ.വി മാണി, തോ​മ​സ് പീറ്റർ, ഇ.ടി തോ​മസ്, മു​ര​ളിധ​രൻ നായർ, പി.ദേ​വ​സ്യ, സി​സി ബോ​ബി എ​ന്നി​വർ പ​ങ്കെ​ടു​ത്തു.

റോ​ഡ് ന​ന്നാ​ക്കു​ക​യും ജ​ല​വി​ത​ര​ണം ആ​രം​ഭി​ക്കു​ന്ന​തി​നു​ള്ള ന​ടപ​ടി അ​ധി​കൃ​തർ സ്വീ​ക​രി​ക്കണം. അല്ലാ​ത്ത പ​ക്ഷം ശ​ക്തമാ​യ സ​മ​ര​പ​രി​പാ​ടി​കൾ ആ​രം​ഭി​ക്കും. (മൈ​ത്രി റ​സി​ഡന്റ്​സ് വെൽ​ഫെ​യർ അ​സോ​സി​യേ​ഷൻ).