വാഴൂർ: വാഴൂർ ഗ്രാമപഞ്ചായത്തിന്റെ പുതിയ വൈസ് പ്രസിഡന്റായി ഡി. സേതുലക്ഷ്മിയെ തിരഞ്ഞെടുത്തു. സി.പി.ഐയിലെ സിന്ധു ചന്ദ്രൻ രാജിവച്ച ഒഴിവിലേയ്ക്കാണ് തെരഞ്ഞെടുപ്പ് നടന്നത്. എൽ.ഡി.എഫി.ലെ മുൻധാരണ പ്രകാരമാണ് രാജി.16 അംഗ ഭരണസമിതിയിൽ 11 വോട്ട് സേതുലക്ഷ്മി നേടി.യുഡിഎഫിനായി കോൺഗ്രസിലെ ഓമന അരവിന്ദാക്ഷൻ മത്സരിച്ചു. ഇവർക്ക് 5 വോട്ട് ലഭിച്ചു. പൊതുമരാമത്ത് ചങ്ങനാശേരി ഡിവിഷൻ റോഡ്‌സ് വിഭാഗം അസിസ്റ്റന്റ് എക്‌സിക്യൂട്ടീവ് എൻജിനീയർ സിനി വരണാധികാരിയായി.