കോട്ടയം: കേരള കോൺഗ്രസ് എമ്മിലേക്ക് മടങ്ങിയെത്താൻ താൽപ്പര്യമുണ്ടെന്ന് മുൻ എം.എൽ.എ ജോണി നെല്ലൂർ പറഞ്ഞു. വി.ഡി.സതീശൻ പ്രതിപക്ഷ നേതാവായ ശേഷം യു.ഡി.എഫ് നിരന്തരം അവഗണിച്ചു. രാജ്ഭവൻ മാർച്ചിൽ മുൻനിരയിൽ ഇരിപ്പിടം തന്നില്ല. സ്വാഗത പ്രസംഗം നടത്തിയപ്പോൾ പേര് പറഞ്ഞില്ല. രാഹുൽഗാന്ധി വന്ന വേദിയിൽ കസേര നൽകിയില്ല. യു.ഡി.എഫ് സെക്രട്ടറിയായിരിക്കേ ആ പരിഗണന തരാതെ പദവി മരവിപ്പിച്ചെന്ന് പറഞ്ഞ് അപമാനിച്ചു. വിഷയത്തിൽ പി.ജെ. ജോസഫ് ഇടപെട്ടില്ല. കേരള കോൺഗ്രസ് എമ്മാണ് എന്റെ മാതൃസംഘടന. അവിടേക്ക് മടങ്ങണമെന്ന ആഗ്രഹം പാർട്ടിയുടെ നേതൃത്വത്തോട് പങ്കുവയ്ക്കും. അവരാണ് അന്തിമ തീരുമാനം എടുക്കേണ്ടത്.