ച​ങ്ങ​നാ​ശേ​രി: നാ​ട്ടു​കാ​രു​ടെ വെ​ള്ളം​കു​ടി മു​ട്ടി​ച്ച് വേനൽകാലത്ത് പൈ​പ്പ് പൊ​ട്ടൽ തു​ടർ​ക്ക​ഥ​യാ​കു​ന്നു. തൃക്കൊടി​ത്താനം പഞ്ചായത്തിന്റെ വിവിധ പ്രദേ​ശ​ങ്ങ​ളി​ലാണ് പൈപ്പ്‌​ലൈ​നു​കൾ പൊ​ട്ടി വെ​ള്ളം പാ​ഴാ​കു​ന്ന​ത്. കുടിവെള്ളത്തിനായി നെ​ട്ടോ​ട്ടമോടുകയാണ് നാട്ടുകാർ. പ​ഞ്ചാ​യ​ത്തിലെ പത്തൊൻപതാം വാർഡിൽ ചാപ്രത്ത് പടിക്ക് സമീപം അഞ്ചു ദി​വസമായി പൈപ്പ് പൊട്ടി കുടിവെള്ലം പാഴാകുകയാണ്. ഇതോടെ കിഴക്കുഭാഗം,​ ചക്രാ​യത്തിൽകുന്ന് പ്രദേശങ്ങളിൽ കുടിവെള്ളമെത്താതായി. വേനൽചൂടിന്റെ കാഠിന്യത്തിൽ കിണറുകളിലെ വെള്ളവും വറ്റിത്തുടങ്ങി. പൈപ്പ് വെള്ളത്തെ ആശ്രയിച്ചാ​ണ് പ്ര​ദേ​ശ​വാ​സികൾ കഴിയുന്നത്. കഴിഞ്ഞ അഞ്ചു ദിവസമായി വെള്ളം എത്താത്തതിൽ ദുരിതമനുഭവിക്കുകയാണ് നാട്ടു​കാർ. പൈ​പ്പ് പൊട്ടി ലിറ്റർ കണക്കിന് വെള്ളമാണ് റോഡിലൂടെ പാഴായിപ്പോകുന്ന​ത്. റോഡ് പൊട്ടിപ്പൊ​ളി​യു​ന്ന​തിനും ഇത് കാരണമാകുന്നുണ്ട്. വേ​നൽ ശ​ക്ത​മാ​യ​തോടെ നിരവധി മേഖ​ല​ക​ളി​ലാണ് കുടിവെള്ള ക്ഷാമംഅനുഭവപ്പെ​ടു​ന്ന​ത്.

റോഡിൽ കെണിയുണ്ട്...

പൈപ്പ് പൊട്ടി റോഡിൽ രൂപപ്പെട്ട കുഴികൾ ഇരുചക്രവാഹനയാത്രി​ക​രെ​യും ദുരിതത്തി​ലാക്കുന്നു. രാത്രികാലങ്ങളിൽ പൈപ്പ് പൊട്ടി കുഴികൾ രൂപപ്പെ​ടുന്നതും പതിവാ​ണ്. ദിനംപ്രതി നൂറ് കണക്കിനാളുകൾ കടന്നുപോകുന്ന പാതയാണി​ത്. വെള്ളം ഒഴുകുന്നത് കാൽനടയാത്രികരെയും ബുദ്ധിമുട്ടിലാക്കു​ന്നു. അറ്റകുറ്റപ്പണികൾ നടത്തി താത്ക്കാലികമായി തടിതപ്പുന്നതല്ലാതെ ശാശ്വത പരിഹാരം കാണാൻ അധികൃതർ ശ്രമിക്കു​ന്നില്ല.