അയർ​ക്കുന്നം : ശ്രീരാമനെയും പ്രധാനമന്ത്രി നരേന്ദ്ര​മോദിയെയും പരിഹസിച്ചുള്ള സന്ദേശങ്ങൾ സമൂഹ്യമാദ്ധ്യമങ്ങളിൽ പ്രചരിപ്പിച്ചെന്ന് ആരോപിച്ച് ഏറ്റുമാനൂർ ഗ്രൂപ്പിലെ വള്ളിക്കാവ് ക്ഷേത്രത്തിലെ ശാന്തിക്കാരനെതിരെ ബി.ജെ.പി ജില്ലാ സെക്രട്ടറി സോബിൻലാൽ അയർക്കുന്നം എസ്.എച്ച.ഒ​യ്ക്ക് പരാതി നൽകി. കലാപാഹ്വാനം നടത്തിയ ദേവസ്വം ബോർഡ് ശാന്തിക്കാരനെതിരെ ഇതുവരെ യാതൊരു നടപടിയും എടുത്തിട്ടില്ലെന്നും പൊതുസമൂഹത്തെയും ഭക്തരെയും അപമാനിച്ച ശാന്തിക്കാരനെ ജോലിയിൽ നിന്ന് മാറ്റിനിറുത്തണമെന്നും ബി.ജെ.പി ജില്ലാ പ്രസിഡന്റ് ലിജിൻ ലാ​ൽ ആവശ്യപ്പെട്ടു. ഇയാളുടെ മുൻകാല പ്രവർത്തനങ്ങൾ ഉൾപ്പെടെ അന്വേഷിച്ചു വേണ്ട നടപടികൾ കൈക്കൊള്ളണമെന്നും പരാതിയിൽ പറയുന്നു.