കോട്ടയം: കേരള വനിത കമ്മിഷനും വെളിയന്നൂർ ഗ്രാമപഞ്ചായത്ത് ജാഗ്രതാ സമിതിയും കുടുംബശ്രീ സി.ഡി.എസും ചേർന്ന് വെളിയന്നൂർ ഗ്രാമപഞ്ചായത്തിൽ സെമിനാർ സംഘടിപ്പിച്ചു. വനിത കമ്മിഷനംഗം അഡ്വ. ഇന്ദിര രവീന്ദ്രൻ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് സജേഷ് ശശി അദ്ധ്യക്ഷത വഹിച്ചു. സ്ത്രീ ശാക്തീകരണവും സ്ത്രീധന പീഢനങ്ങളും എന്ന വിഷയത്തിൽ അഡ്വ. സിന്ധു മാത്യുവും, സ്ത്രീകളും സാമൂഹിക പദവിയും എന്ന വിഷയത്തിൽ ജെൻഡർ റിസോഴ്‌സ് പേഴ്‌സൺ കെ.എൻ. ഷീബയും വിഷയം അവതരിപ്പിച്ചു. സ്ത്രീകൾ സമൂഹത്തിൽ നേരിടുന്ന പ്രശ്‌നങ്ങൾ, സ്ത്രീധനമുക്ത കേരളത്തെ വാർത്തെടുക്കൽ, സ്ത്രീ സുരക്ഷാ നിയമങ്ങൾ, സാമൂഹിക തുല്യത എന്നീ വിഷയങ്ങളിൽ ചർച്ച നടന്നു.