കോട്ടയം: ജില്ലാ പൊലീസ് മേധാവിയടക്കം മൂന്നുപേർ ജില്ലയിൽ നിന്നും ഈ വർഷം സംസ്ഥാന പൊലീസ് മേധാവിയുടെ ബാഡ്ജ് ഓഫ് ഹോണറിന് അർഹരായി. ജില്ലാ പൊലീസ് മേധാവി കെ.കാർത്തിക്, എസ്.എച്ച്.ഒ സൈബർ സ്റ്റേഷൻ വി.ആർ ജഗദീഷ്, സീനിയർ സിവിൽ പൊലീസ് ഓഫീസർ ലീഗൽ സെൽ എ.എസ് ശ്രീജിത്ത് എന്നിവർക്കാണ് സംസ്ഥാന പൊലീസ് മേധാവിയുടെ ബാഡ്ജ് ഓഫ് ഹോണർ ലഭിച്ചത്. ജില്ലയിലെ മികച്ച ക്രമസമാധാനപാലനത്തിനാണ് കെ.കാർത്തികിനെ പുരസ്‌കാരത്തിന് അർഹനാക്കിയത്. വി.ആർ ജഗദീഷിന് സൈബർ കേസുകളിലെ അന്വേഷണ മികവിനും എ.എസ് ശ്രീജിത്തിന് ജോലിയിലെ മികവിനുമാണ് പുരസ്കാരം ലഭിച്ചത്.