കോട്ടയം:കേരളകൗമുദി, ഏറ്റുമാനൂർ പഞ്ചായത്ത്, എക്സൈസ് വകുപ്പ് എന്നിവരുടെ സംയുക്ത ആഭിമുഖ്യത്തിൽ ഏറ്റുമാനൂർ ഗവ.വൊക്കേഷണൽ ഹയർസെക്കൻഡറി സ്‌കൂളിൽ ബോധപൗർണ്ണമി ലഹരിവിരുദ്ധ ബോധവത്കരണ സെമിനാർ നടന്നു. ഏറ്റുമാനൂർ നഗരസഭാ കൗൺസിലർ സുരേഷ് വടക്കേടം ഉദ്ഘാടനം ചെയ്തു. എച്ച്.എസ് ഹെഡ്മിസ്ട്രസ് എം.ജ്യോതി അദ്ധ്യക്ഷതവഹിച്ചു. കേരളകൗമുദി കോട്ടയം യൂണിറ്റ് ചീഫ് ആർ.ബാബുരാജ് മുഖ്യപ്രഭാഷണം നടത്തി. കോട്ടയം എൻഫോഴ്‌സ്മെന്റ് ആൻഡ് ആന്റി നാർകോട്ടിക് സെപ്ഷ്യൽ സ്‌ക്വാഡ് പ്രിവന്റീവ് ഓഫീസർ നിഫി ജേക്കബ് ക്ലാസ് നയിച്ചു. ബി.ജെ.പി ജില്ലാ വൈസ് പ്രസിഡന്റ് സിന്ധു ബി.കോതശേരി, പി.ടി.എ പ്രസിഡന്റ് കെ.വി സിന്ധു എന്നിവർ പങ്കെടുത്തു. ലഹരി വിരുദ്ധ ക്ലബ് സ്‌കൂൾ കോർഡിനേറ്റർ രാജേഷ് ജി.ബാബു സ്വാഗതവും സ്റ്റാഫ് സെക്രട്ടറി സിജു തോമസ് നന്ദിയും പറഞ്ഞു.