ചെന്നൈ: തമിഴ്നാട്ടിലെ പ്രളയക്കെടുതിയിൽ കേന്ദ്ര സഹായം വൈകുന്നതിൽ പ്രധാനമന്ത്രിക്കെതിരെ രൂക്ഷ വിമർശനവുമായി ഡി.എം.കെ മുഖപത്രം. തമിഴ്നാട്ടിലെത്തിയിട്ടും പ്രളയമേഖലകൾ സന്ദർശിക്കാനോ, കേന്ദ്രസഹായം പ്രഖ്യാപിക്കാനോ മോദി തയ്യാറായില്ലെന്ന് മുഖപത്രമായ മുരശൊലിയിൽ കുറ്റപ്പെടുത്തി. ഗുജറാത്തിൽ പ്രളയം ഉണ്ടായ അന്നുതന്നെ മോദി അവിടെ സന്ദർശിക്കുകയും കോടികളുടെ കേന്ദ്രസഹായം പ്രഖ്യാപിക്കുകയും ചെയ്തു. എന്നാൽ ചെന്നൈയിൽ പ്രളയം ഉണ്ടായി ഒരു മാസം കഴിഞ്ഞിട്ടും അവഗണന തുടരുകയാണെന്നും പറയുന്നു.