കാസർകോട്: ലഹരിക്കടത്തും വധശ്രമവും അടക്കം നിരവധി കേസുകളിൽ പ്രതിയായ മൊർത്തണ സ്വദേശിയെ എം.ഡി.എം.എ. മയക്കുമരുന്നുമായി മഞ്ചേശ്വരം പൊലീസ് അറസ്റ്റ് ചെയ്തു. മൊർത്തണയിലെ അസ്‌ക്കർ (30) ആണ് അറസ്റ്റിലായത്. മൂന്ന് ഗ്രാം എം.ഡി.എം.എയാണ് പിടികൂടിയത്. മഞ്ചേശ്വരം എസ്.ഐ നിഖിലും സംഘവും കഴിഞ്ഞ രാത്രി മൊർത്തണയിൽ വച്ചാണ് അസ്‌ക്കറിനെ പിടിച്ചത്. മയക്കുമരുന്നു കടത്ത്, തോക്ക് കൈവശംവെക്കൽ, വധശ്രമം ഉൾപ്പെടെ നിരവധി കേസുകളിൽ പ്രതിയായ അസ്‌ക്കറിനെ ഒരു വർഷം മുമ്പ് മഞ്ചേശ്വരം പൊലീസ് കാപ്പ ചുമത്തി അറസ്റ്റ് ചെയ്തിരുന്നു.