കി​ടങ്ങൂർ: അനധികൃതമായി സ്‌ഫോടക വസ്തുക്കൾ സൂക്ഷിക്കുകയും, പടക്ക നിർമ്മാണത്തിനിടെ ഇത് പൊട്ടിത്തെറിക്കുകയും ചെയ്ത കേ​സിൽ അ​ച്ഛനും മ​ക്കളും അ​റ​സ്റ്റിൽ. കിടങ്ങൂർ ചെമ്പിലാവ്, കു​ന്നേൽ കാരക്കാ​ട്ടിൽ മാ​ത്യു (കു​ട്ടിച്ചൻ-69), ഇയാളുടെ മക്കളായ ബിനോയ് (45), ബിനീഷ് (41) എന്നിവരെയാണ് കിട​ങ്ങൂർ പൊലീസ് അറസ്റ്റ് ചെയ്​തത്. ക​ഴിഞ്ഞ ദിവസം ഉച്ച​യോടെ ചെമ്പിലാവ് ഇവരുടെ വീട്ടിൽ വച്ച് വെടിമരുന്ന് പൊട്ടിത്തെറിച്ച് ഗുരുതരമായി പരിക്കേറ്റ യുവാവിനെ കോട്ടയം മെഡിക്കൽ കോളേജ് ആശുപത്രിയിൽ പ്രവേ​ശി​പ്പി​ച്ചി​രു​ന്നു. ഇവർ പടക്ക നിർമ്മാണത്തിനുവേണ്ടി ലൈസൻ​സോ മറ്റു രേഖകളോ ഇല്ലാതെ അനധികൃതമായി വീടിനുള്ളിലും, ടെറസിലുമായി വെടിമരുന്ന് സൂക്ഷിച്ചിരുന്നതാ​യി പൊ​ലീസ് കണ്ടെത്തുക​യും ഇവരെ അറസ്റ്റ് ചെയ്യുകയുമായിരുന്നു. പാലാ എസ്.എച്ച്.ഒ കെ.പി ടോംസൺ, കിടങ്ങൂർ എസ്.ഐമാരായ കുര്യൻ മാത്യു, വിനയൻ, പി.ആ​ർ സു​ധീർ, സി.പി.ഒമാരായ അരുൺകു​മാർ, സന്തോഷ് എന്നിവർ ചേർന്നാണ് അറസ്റ്റ് ചെയ്തത്.