മണിമ​ല: മദ്ധ്യവയസ്‌കനെയും ഭാര്യയെയും തോക്കും വടിവാളും ഉപയോഗിച്ച് ആക്രമിച്ചു കൊലപ്പെടുത്താൻ ശ്രമിച്ച കേസിൽ ഒളിവിൽ കഴിഞ്ഞിരുന്ന മൂ​ന്നു​പേർ അ​റ​സ്റ്റിൽ. പത്തനംതിട്ട പെരിങ്ങര തയ്യിൽ പടിഞ്ഞാറേതിൽ പ്രവീൺ (43), കോട്ടയം പൂവത്തോലി കോരോത്ത് സുരേഷ് കു​മാർ (61), പത്തനംതിട്ട അയിത്തല വലിയ തോട്ട​ത്തിൽ പദ്മകുമാർ (41) എന്നിവരെയാണ് മണി​മല പൊലീസ് അറസ്റ്റ് ചെയ്ത​ത്. നവംബർ 30നാ​ണ് സം​ഭവം. മണിമല പഴയിടം സ്വദേശിയാ​യ മദ്ധ്യവയസ്​കനും ഭാര്യയും സഞ്ചരിച്ചിരുന്ന കാർ തടഞ്ഞുനിർത്തി ഇവരെ ആക്രമിച്ച് കൊലപ്പെടുത്താൻ ശ്രമിക്കുകയായിരുന്നു. മദ്ധ്യവയസ്‌കൻ തന്റെ അമ്മ​യെ ആ​ശു​പ​ത്രിയിൽ കൊണ്ടുപോകുന്നതിന് വേണ്ടി വണ്ടിയിൽ ഭാര്യയെയും കൂട്ടി പോകുന്ന സമയത്ത് ബൈക്കിൽ എത്തിയ ഇവർ നിലക്കത്താനം​ പാമ്പേപ്പടി റോഡിൽ വച്ച് വാഹനം തടഞ്ഞു നിർത്തി ഇവരെ വടിവാൾ കൊണ്ട് ആക്രമിക്കുകയും, തോക്ക് ചൂണ്ടി ഭീഷണിപ്പെടുത്തുകയുമായിരുന്നു. ഇവർ​ക്ക് മദ്ധ്യവയസ്‌കനോടും കുടുംബത്തോടും സ്ഥലമിടപാടിന്റെ പേരിൽ മുൻ വിരോധം നിലനിന്നിരുന്നു. ഇതിന്റെ തു​ടർ​ച്ച​യാ​യാ​ണ് ആ​ക്ര​മ​ണം. പരാതിയെ തുടർന്ന് മണി​മ​ല പൊലീസ് കേ​സെ​ടുത്ത് വി​നീത്, ബിജോ​യി എന്നിവരെ പിടി​കൂ​ടി​യിരു​ന്നു. ഒളിവിൽ കഴിഞ്ഞിരുന്ന മറ്റു പ്രതികളെ കണ്ടെത്തുന്നതിനു വേണ്ടി നട​ത്തിയ തിരച്ചിലിലാണ് ഇവരെ എറണാകുളത്തുനി​ന്ന് പൊലീസ് പിടികൂടുന്ന​ത്. എസ്.എ​ച്ച്.ഒ ജയപ്ര​കാ​ശി​ന്റെ നേ​തൃ​ത്വ​ത്തി​ലാണ് ഇവരെ അറസ്റ്റ് ചെയ്​തത്. കോടതിയിൽ ഹാജരാക്കിയ ഇവരെ റിമാൻഡ് ചെയ്തു.