ജ്യോതിഷത്തിലും ആത്മീയതയിലും സംഖ്യകൾക്ക് വളരെയധികം പ്രാധാന്യം ഉണ്ട്. സംഖ്യകൾ വിശകലനം ചെയ്യുകയും പ്രവചനങ്ങൾ നടത്തുകയും അവയെക്കുറിച്ച് മാർഗനിർദേശങ്ങൾ നൽകുകയും ചെയ്യുന്ന ജ്യോതിഷമേഖലയാണ് സംഖ്യാശാസ്ത്രം അഥവാ ന്യൂമറോളജി, സംഖ്യാശാസ്ത്ര പ്രകാരം 2024 വർഷത്തിലെ ഓരോരുത്തരുടെയും ഫലങ്ങളാണ് ഈ ലേഖന പരമ്പരയിൽ.

ഭാഗ്യസംഖ്യ 8

ഏത് വർഷവും ഏത് മാസവും 8, 17, 26 എന്നീ തീയതികളിൽ ജനിച്ചവരുടെയെല്ലാം ഭാഗ്യസംഖ്യ ന്യൂമറോളജി പ്രകാരം '8' ആണ്.

ഭാഗ്യസംഖ്യ എട്ട് ലഭിച്ചിരിക്കുന്നവർ സ്വന്തം വാദങ്ങൾ സമർത്ഥമായ രീതിയിൽ അവതരിപ്പിക്കാൻ ബഹുമിടുക്കുള്ളവരായിരിക്കും. ഇക്കൂട്ടർ ഏത് രംഗത്തും വിജയിക്കും. 2024ൽ നിങ്ങളുടെ ജീവിതത്തിൽ അവസരങ്ങളും പുതിയ പാതകളും നിറഞ്ഞതായിരിക്കും.

ഭാഗ്യസംഖ്യ എട്ട് ലഭിച്ചിരിക്കുന്ന വിദ്യാർത്ഥികൾക്ക്, 2024ൽ തികച്ചും ഭാഗ്യമാണ്. കാരണം അവർക്ക് ജീവിതത്തിൽ നല്ല അവസരങ്ങൾ ലഭിക്കും. ഈ പുതുവർഷത്തിൽ നിങ്ങൾ അഭിമുഖീകരിക്കേണ്ട കാര്യമായ ഒന്നും ഉണ്ടാകില്ല. സന്തോഷകരവും സമാധാനപരവുമായ ഒരു ജീവിതത്തിനായി നിങ്ങൾ തിരഞ്ഞെടുത്ത മേഖലകളിൽ നിങ്ങൾ കഠിനാധ്വാനം ചെയ്യേണ്ടതുണ്ട്.

ഇവരുടെ ജീവിതത്തിലെ എല്ലാ ഘടകങ്ങളിൽ നിന്നും 2024ൽ അനുയോജ്യമായ ഫലങ്ങൾ പ്രതീക്ഷിക്കാം. ശനിയുടെ സ്വാധീനം കാരണം, ഭൗതിക സുഖങ്ങൾ ലഭിക്കാനും ഒരു വ്യക്തിത്വം സ്ഥാപിക്കാനും അവരുടെ വികാരങ്ങളെ നിയന്ത്രിക്കാനും കഴിയും. പങ്കാളിയുമായുള്ള ഇക്കൂട്ടരുടെ സ്നേഹബന്ധങ്ങൾ മനോഹരമായിരിക്കും. എന്നിരുന്നാലും, തർക്കങ്ങളോ സംഘർഷങ്ങളോ ഉണ്ടാകുമ്പോൾ അവരുടെ പങ്കാളികളെ പരിഗണിക്കാനും അവരുടെ വാക്കുകൾ ശ്രദ്ധിക്കാനും ഭാഗ്യസംഖ്യ എട്ട് ലഭിച്ചിരിക്കുന്നവർ ഓർമ്മിക്കേണ്ടതാണ്.

2024ലെ സാമ്പത്തിക നിക്ഷേപങ്ങൾ ഫലവത്തായ ലാഭങ്ങൾ ഉണ്ടാക്കും. ഇവർ ഉദ്ദേശിക്കുന്നതെന്തും നേടാൻ കഴിയും. ജോലിസ്ഥലത്തെ ബന്ധങ്ങൾ സൗഹാർദ്ദപരമായിരിക്കും. സഹപ്രവർത്തകരിൽ നിന്ന് വളരെയധികം പിന്തുണയും അഭിനന്ദനവും ലഭിക്കുമെന്ന് പ്രതീക്ഷിക്കാം.

മികച്ച ഫലങ്ങൾ നേടുന്നതിന് വിദ്യാർത്ഥികൾ കഠിനാധ്വാനം ചെയ്യണം. മത്സര പരീക്ഷകൾക്ക് തയ്യാറെടുക്കുന്ന മത്സരാർത്ഥികൾക്ക് 2024ൽ ചില നല്ല വാർത്തകൾ പ്രതീക്ഷിക്കാം. ആരോഗ്യവും ക്ഷേമവും സംബന്ധിച്ച്, ഭാഗ്യസംഖ്യ എട്ട് ലഭിച്ചിരിക്കുന്നവർ അവരുടെ ഭക്ഷണക്രമത്തിലും ശാരീരിക പ്രവർത്തനങ്ങൾക്ക് ചുറ്റുമുള്ള മറ്റ് ശീലങ്ങളിലും ശ്രദ്ധാലുവായിരിക്കണം.

പൊതു വർഷഫലം

ഭാഗ്യസംഖ്യ എട്ട് ലഭിച്ചിരിക്കുന്നവർ നിങ്ങളുടെ ശരീരം, മനസ്, ആത്മാവ് എന്നിവയെ പരിപാലിക്കുക. വികാരങ്ങൾ കാടുകയറാൻ അനുവദിക്കരുത്.

പരിഹാരങ്ങൾ

1. ശനി പ്രീതി വരുത്തുന്നത് ഉത്തമം ആണ്.
2. ഇന്ദ്രനീലം (Blue Sapphire in silver) വെള്ളി ലോഹത്തിൽ മോതിരമാക്കി ധരിക്കുന്നത് ഉത്തമം ആണ്.
3. മഞ്ഞ, നീല, പച്ച എന്നീ നിറങ്ങളിലുള്ള വസ്ത്രാഭരണാദികൾ ഉപയോഗിക്കുക.
4. ശനിയാഴ്ചകളിൽ ശാസ്താവ്/ ശിവൻ/ ഹനുമാൻ എന്നീ ദേവതകളുടെ ഏതെങ്കിലും ഒരു ക്ഷേത്രത്തിൽ ദർശനം നടത്തുന്നത് ഉത്തമമാണ്.
5. ഏത് സംഗതിയ്ക്ക് പുറപ്പെടുമ്പോഴും കിഴക്ക് ദിക്കിലേക്ക് ഒമ്പത് ചുവടുകൾ നടന്നതിനു ശേഷം ഉദ്ദിഷ്ട ദിക്കിലേക്ക് പോവുക.
6. ശുഭകരമായ സംഗതികളിൽ പങ്കെടുക്കുമ്പോൾ കറുപ്പ്/ ചുവപ്പ് എന്നീ നിറങ്ങളിൽ ഉള്ള വസ്ത്രങ്ങൾ ഒഴിവാക്കാൻ ശ്രദ്ധിയ്ക്കണം .
7. ജന്മദിനത്തിൽ അന്നദാനം നടത്തുക.
8. ഭൈരവ/ശൈവ ക്ഷേത്രത്തിൽ വൈൻ സമർപ്പിക്കുക.
9. മാസത്തിൽ ഒരു ശനിയാഴ്ച ഉപവസിക്കുകയും ക്ഷേത്ര ദർശനം നടത്തുന്നതും ഉത്തമമാണ്.

(തുടരും...)

റാം സാഗർ തമ്പുരാൻ, ഫോൺ: 8301036352, വാട്സാപ്പ് : 9633721128, ഇ-മെയിൽ: samkhiyarathnam@gmail.com.