സുരേഷ് ഗോപിയെ കേന്ദ്രകഥാപാത്രമാക്കി സനൽ വി. ദേവൻ സംവിധാനം ചെയ്യുന്ന വരാഹം എന്ന ചിത്രത്തിൽ നവ്യ നായരും പ്രാച്ചി ടെഹ്‌ലെനും. ചിത്രത്തിൽ പ്രധാന കഥാപാത്രത്തെയാണ് നവ്യയും പ്രാച്ചിയും അവതരിപ്പിക്കുന്നത്. പതാക, സദ്ഗമയ, കിച്ചാമണി എം.ബി.എ തുടങ്ങിയ ചിത്രങ്ങളിൽ സുരേഷ് ഗോപിയും നവ്യ നായരും ഒരുമിച്ചിട്ടുണ്ട്. നീണ്ട ഇടവേളയ്ക്കുശേഷമാണ് സുരേഷ് ഗോപി ചിത്രത്തിൽ നവ്യ നായർ ഭാഗമാകുന്നത്. മമ്മൂട്ടി നായകനായ മാമാങ്കം ആണ് പ്രാച്ചിയുടെ ആദ്യ ചിത്രം. മുൻ ഇന്ത്യൻ നാഷണൽ നെറ്റ് ബാൾ ടീം ക്യാപ്ടനും ബാസ്‌കറ്റ് ബാൾ പ്‌ളേയറുമാണ് പ്രാച്ചി. 2001 ൽ കോമൺ വെൽത്ത് ഗെയിംസിൽ ഇന്ത്യൻ നെറ്റ് ബാൾ ടീമിനെ നയിച്ചത് പ്രാച്ചി ആയിരുന്നു. പ്രാച്ചി അഭിനയിക്കുന്ന രണ്ടാമത്തെ മലയാള ചിത്രമാണ് . സുരാജ് വെഞ്ഞാറമൂട്. ഗൗതം മേനോൻ എന്നിവരും കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രത്തിൽ സരയു ആണ് മറ്റൊരു പ്രധാന താരം. പൊലീസ് ഒാഫീസറുടെ വേഷമാണ് ഗൗതം മേനോൻ അവതരിപ്പിക്കുന്നത്. എറണാകുളത്ത് ചിത്രീകരണം പുരോഗമിക്കുന്ന ചിത്രം ഈ ആഴ്ച ഷെഡ്യൂൾ പാക്കപ്പ് ആകും. സുരേഷ് ഗോപിയുടെ രംഗങ്ങൾ ഈ ഷെഡ്യൂൾ തന്നെ പൂർത്തിയാക്കാനാണ് തീരുമാനം.മാവെറിക് മൂവീസ് പ്രൈവറ്റ് ലിമിറ്റഡിന്റെയും സഞ്ജയ് പടിയൂർ എ ന്റർടെയ്ൻമെന്റിന്റെയും ബാനറുകളിലാണ് നിർമ്മാണം.