മുടി നരയ്ക്കുന്നത് പലരെയും അലട്ടുന്ന പ്രശ്നമാണ്. അകാലനര പ്രത്യേകിച്ചും. പോഷകാഹാരക്കുറവ്,,​ പാരമ്പര്യം,​ ആധുനിക ജീവിത ശൈലിയിലെ മാറ്റങ്ങൾ എന്നിവയെല്ലാം മുടി നരയ്ക്കുന്നതിന് കാരണമാകാറുണ്ട്. നരച്ച മുടി മാറാൻ പല മാർഗങ്ങളും പരീക്ഷിച്ച് മടുക്കുമ്പോൾ കൃത്രിമ ഡൈ പോലുള്ളവ തേടി പതിവ്. എന്നാൽ ചില കാര്യങ്ങൾ ശ്രദ്ധിച്ചാൽ പ്രകൃതിദത്ത മാർഗങ്ങളിലൂടെ തന്നെ തയ്യാറാക്കുന്ന ഡൈ ഉപയോഗിച്ച് നരച്ച മുടി കറുപ്പാക്കാം.

വിറ്റാമിൻ സിയുടെ സമ്പന്നമായ ഉറവിടമായ നെല്ലിക്ക മുടിയുടെ എല്ലാത്തരം പ്രശ്നങ്ങൾക്കും ആയുർവേദത്തിൽ ഉപയോിച്ചുവരുന്നു. ഇതിനൊപ്പം ഉലുവയും ചേർത്ത് ഉപയോഗിക്കുന്നത് അകാല നരയെ തടയുക മാത്രമല്ല മുടിയുടെ വളർച്ചയെ പ്രോത്സാഹിപ്പിക്കുകയും ചെയ്യുന്നു. മൂന്ന് ടീസ്‌പൂൺ വെളിച്ചെണ്ണയിൽ ആറേഴ് നെല്ലിക്ക കഷണങ്ങൾ ചേർത്ത് കുറച്ച് നേരം ചൂടാക്കുക. ഇതിലേക്ക് ഒരു ടീസ്പൂൺ ഉലുവ പൊടി ചേർക്കുക. തണുത്തതിന് ശേഷം രാത്രി തലയോട്ടിയിൽ പുരട്ടണം. രാവിലെ വീര്യം കുറഞ്ഞ ഷാംപൂ ഉപയോഗിച്ച് കഴുക്കിക്കളയണം.

ഇനി നിങ്ങൾക്ക് ഹെയർ ഡൈ തന്നെ മുടിയിൽ പുരട്ടണമെങ്കിൽ പ്രകൃതിദത്തമായ വസ്തുക്കൾ ഉപയോഗിച്ച് ഹെയർ ഡൈ വീട്ടിൽ തന്നെ തയ്യാറാക്കാം. ഇങ്ങനെ തയ്യാറാക്കുന്ന ഡൈ ഒറ്റ ഉപയോഗത്തിൽ മുടി കറുപ്പിക്കില്ല. സ്ഥിരമായ ഉപയോഗത്തിലൂടെ മാത്രമേ മാറ്റം കാണാനാവൂ. കുരുമുളകും നാരങ്ങയും ചേർത്തുള്ള ഹെയർ ഡൈ ആണ് അതിലൊന്ന്. മുടിക്ക് പോഷകം നൽകുന്ന നിരവധി ഗുണങ്ങളുള്ള സുഗന്ധ വ്യജ്ഞനമാണ് കുരുമുളക്. മുടിയുടെ സ്വാഭാവിക നിറം നിലനിറുത്തുന്നതിന് പുറമേ മുടിയുടെ വളർച്ചയെ പ്രോത്സാഹിപ്പിക്കുകയും ചെയ്യുന്നു. ഇതിനായി ഒരു ടേബിൾ സ്പൂ പൊടിച്ച കുരുമുളകും നാരങ്ങ നീരും അരക്കപ്പ് തൈരുമായി യോജിപ്പിക്കുക. ഈ മിശ്രിതം നന്നായി ഇളക്കി മുടിയിലും തലയോട്ടിയിലും മസാജ് ചെയ്യുക. ഏകദേശം ഒറു മണിക്കൂർ മുടിയിൽ ഈ മിശ്രിതം നിലനിറുത്താൻ അനുവദിക്കണം. തുടർന്ന് ചെറുചൂടുവെള്ളത്തിൽ കഴുകാം,​. ആഴ്ചയിൽ മൂന്നു തവണ ഇത് ആവർത്തിക്കണം.