കൊയിലാണ്ടി : മയക്കുമരുന്ന് ഇനത്തിൽപ്പെട്ട നൈട്രോ സെപാം ഗുളികകൾ വിൽപ്പനയ്ക്ക് കൊണ്ടു വന്ന കേസിൽ പിടിയിലായ ചെങ്ങോട്ടുകാവ് പഞ്ചായത്തിലെ എടക്കുളം മാളിയേക്കവീട്ടിൽ മുർഷിദ് (28), വെസ്റ്റ്ഹിൽ വസന്ത് നിവാസിൽ നിമേഷ് (27), തുടങ്ങിയവരെ വടകര എൻ.ഡി.പി.എസ് കോടതി 6 മാസം തടവിനും 10,000 രൂപ പിഴയടയ്ക്കാനും വിധിച്ചു. 2017 ലാണ് കേസിനാസ്പദമായ സംഭവം.
480 ഓളം ഗുളികകളാണ് എക്‌സൈസ് ഇൻസ്‌പെപെക്ടർ പി.സജിത്ത് കുമാറും പാർട്ടിയും പിടികൂടിയത്. അസി.എക്‌സെ സൈസ് ഇൻപ്പെക്ടർ മനോഹരൻ, കെ.സി.കരുണൻ, മനോഹരൻ, അജയ്കുമാർ, സി.ഇ.ഒ വിപിൻ, മധുസൂദനൻ ,ടി ഷൈജു തുടങ്ങിയവരാണ് പ്രതികളെ കണ്ടെത്തിയത്. കൊയിലാണ്ടി നഗരത്തിൽ എക്‌സൈസ് ഉദ്യോഗസ്ഥരെ ആക്രമിച്ച കേസിലും ഇവർ പ്രതികളാണെന്ന് എക്‌സൈസ് ഓഫീസർ അറിയിച്ചു.