തിരുവനന്തപുരം: ആരോഗ്യ രംഗത്തെ മികച്ച മാദ്ധ്യമ പ്രവർത്തകനുള്ള കെ.ജി.ഐ.എം.ഒ.എയുടെ അവാർഡ് കേരളകൗമുദി തിരുവനന്തപുരം യൂണിറ്റിലെ സീനിയർ റിപ്പോർട്ടർ കെ.എസ്.അരവിന്ദിന്. സംസ്ഥാന സർക്കാരിന് കീഴിൽ ജോലി ചെയ്യുന്ന ഇ.എസ്.ഐ ഡോക്ടർമാരുടെ ഏക സംഘടനയാണ് കെ.ജി.ഐ.എം.ഒ.എ

പതിനായിരം രൂപയും പ്രശസ്തിപത്രവും അടങ്ങുന്ന പുരസ്കാരം തിരുവനന്തപുരത്ത് നടക്കുന്ന ചടങ്ങിൽ മന്ത്രി വി.ശിവൻകുട്ടി സമ്മാനിക്കുമെന്ന് അസോസിയേഷൻ സംസ്ഥാന പ്രസിഡന്റ് ഡോ. വിനോദ്പി.കെ, ജനറൽ സെക്രട്ടറി ഡോ.എസ്.രാധാകൃഷ്ണൻ എന്നിവർ അറിയിച്ചു.

കഴിഞ്ഞ ഒരു വർഷം ആരോഗ്യരംഗവുമായി ബന്ധപ്പെട്ട് കേരളകൗമുദിയിൽ പ്രസിദ്ധീകരിച്ച വാർത്തകളുടെ മികവ് പരിഗണിച്ചാണ് അരവിന്ദിന് പുരസ്കാരം നൽകുന്നത്. പാച്ചല്ലൂർ 'രേവതിയിൽ' എസ്.സുമയുടെ മകനാണ്‌ അരവിന്ദ് ദൃശ്യ മാദ്ധ്യമ രംഗത്തെ പുരസ്കാരം കൈരളി ന്യൂസിലെ സീനിയർ റിപ്പോർട്ടർ നൃപൻ ചക്രവർത്തിക്ക് സമ്മാനിക്കും.