തൃശൂർ: മകളുടെ വിവാഹത്തിൽ പങ്കെടുക്കാനെത്തുന്ന പ്രധാനമന്ത്രി നരേന്ദ്ര മോദിക്ക് സമ്മാനിക്കാനുള്ള നടൻ സുരേഷ് ഗോപിയുടെ ഉപഹാരം തയ്യാറായി. പ്രധാനമന്ത്രി ഗുരുവായൂരിലെത്തുമ്പോൾ സ്വർണ തളികയാണ് സുരേഷ് ഗോപി സമ്മാനിക്കുന്നത്. സ്വർണകരവിരുതിൽ വിദഗ്ദ്ധനായ അനു അനന്തൻ ആണ് തളിക നിർമിച്ചത്. പ്രധാനമന്ത്രിക്ക് സമ്മാനിക്കുന്നതിന് മുന്നോടിയായി എസ് പി ജി ഉദ്യോഗസ്ഥർ സ്വർണത്തളിക പരിശോധിച്ചു.

പ്രധാനമന്ത്രി രണ്ട് ദിവസത്തെ കേരള സന്ദർശനത്തിനായി ഇന്ന് കൊച്ചി​യിലെത്തും. വൈകിട്ട് 6.30ന് നെടുമ്പാശേരിയി​റങ്ങുന്ന പ്രധാനമന്ത്രി​ 6.40ന് ഹെലികോപ്ടറിൽ കൊച്ചി​ നാവി​കവി​മാനത്താവളത്തി​​ലെത്തും. ഗവർണർ ആരി​ഫ് മുഹമ്മദ് ഖാൻ, മേയർ അഡ്വ.എം. അനി​ൽകുമാർ, ജി​ല്ലാ കളക്ടർ എൻ.എസ്.കെ. ഉമേഷ് തുടങ്ങി​യവർ ചേർന്നാണ് സ്വീകരി​ക്കുന്നത്.

7.10ന് എറണാകുളം നഗരത്തി​ൽ പ്രധാനമന്ത്രി റോഡ് ഷോ നടത്തും. എം.ജി​ റോഡിൽ കെ.പി​.സി​.സി. ജംഗ്ഷനി​ൽ നി​ന്നാരംഭി​ക്കുന്ന റോഡ് ഷോ ഹോസ്പി​റ്റൽ റോഡ് വഴി​ ഗസ്റ്റ് ഹൗസി​ന് മുന്നി​ൽ സമാപി​ക്കും. ഗസ്റ്റ് ഹൗസിലാണ് രാത്രി താമസം.

നാളെ രാവിലെ 6.30ന് ഹെലികോപ്ടറി​ൽ ഗുരുവായൂരി​ലേക്ക് തി​രി​ക്കും. ക്ഷേത്രദർശത്തി​ന് ശേഷം നടൻ സുരേഷ് ഗോപി​യുടെ മകളുടെ വി​വാഹത്തി​ൽ പങ്കെടുക്കും. 10.10ന് തൃപ്രയാർ ശ്രീരാമക്ഷേത്രത്തി​ൽ ദർശനം നടത്തും. തുടർന്ന് കൊച്ചിയി​ൽ മടങ്ങി​യെത്തി​ കൊച്ചി​ കപ്പൽശാലയിലെ ഡ്രൈഡോക്ക് ഉദ്ഘാടനം ചെയ്യും. മറൈൻ ഡ്രൈവിൽ ബി​.ജെ.പി​. പ്രവർത്തകരുടെ യോഗത്തി​ൽ പങ്കെടുത്ത ശേഷം ഹെലി​കോപ്ടറിൽ നെടുമ്പാശേരി​ വി​മാനത്താവളത്തി​ലെത്തി​ ഡൽഹി​ക്ക് മടങ്ങും.