റാം സാഗർ തമ്പുരാൻ, ഫോൺ: 8301036352, വാട്സാപ്പ് : 9633721128, ഇ-മെയിൽ: samkhiyarathnam@gmail.com
2024 ജനുവരി 17 1199 മകരം 3 ബുധനാഴ്ച.
(പുലർച്ചെ 4 മണി 37 മിനിറ്റ് 39 സെക്കന്റ് വരെ ഉത്രട്ടാതി നക്ഷത്രം ശേഷം രേവതി നക്ഷത്രം)
അശ്വതി:സുന്ദര വസ്തുക്കളോടും ആഡംബരത്തിനോടും താൽപ്പര്യം കൂടും, സർക്കാർ ജോലിക്കാർക്ക് അനുകൂല സ്ഥലംമാറ്റവും സ്ഥാന ലബ്ധിയുമുണ്ടാകും.
ഭരണി: ശത്രുവിൻമേൽ വിജയം, ആഡംബര ഭ്രമം, വാക്സാമർത്ഥ്യത്താലും സത്യസന്ധതയാലും ജനപ്രീതിയും പ്രശംസയുമുണ്ടാകും.
കാർത്തിക: ബന്ധുക്കളുടെ എതിർപ്പുകളെ അതിജീവിക്കാൻ സാധിക്കും. ക്ഷേത്രദർശനം, തീർത്ഥാടനം എന്നിവ നടത്തും, ആത്മാർത്ഥതയുള്ള സുഹൃത്തുക്കൾ വന്നുചേരും.
രോഹിണി: സ്ത്രീകൾ മുഖേനെ സന്തോഷം,പണമിടപാടുകളിൽ നേട്ടം.സത്യസന്ധമായും നേർവഴിയോടെയും പ്രവർത്തിക്കും.ബിസിനസുകാർക്ക് മികച്ച ലാഭം പ്രതീക്ഷിക്കാം.
മകയിരം: പൊതുജനാനുകൂല്ല്യം, അധികാരികളുടെ പ്രീതി. ആത്മവിശ്വാസത്തോടെ മുൻപോട്ട് പോകുവാൻ സാധിക്കും. സഹോദരസ്ഥാനീയരിൽ നിന്നും സഹായസഹകരണങ്ങൾ ലഭിക്കും.
തിരുവാതിര: ദാമ്പത്യ സുഖം, സംസാരിച്ച് മറ്റുള്ളവരെ വശത്താക്കി കാര്യം സാധിക്കും,ഉന്നത ഉദ്യോഗസ്ഥരുമായി അടുത്ത ബന്ധം പുലർത്തും. കർമ്മ മേഖലയിൽ അംഗീകാരവും പുരസ്‌കാരവും ലഭിക്കും.
പുണർതം: യാത്രയിൽ അസ്വസ്ഥതകൾ, കുടുംബത്തിൽ കലഹം ഉണ്ടാകും, സഹപ്രവർത്തകരോട് കർക്കശമായി ഇടപെടും. രാഷ്ട്രീയമേഖലയിൽ പ്രവർത്തിക്കുന്നവർക്ക് പ്രതിസന്ധികൾ നേരിടേണ്ടി വരും.
പൂയം: സാമ്പത്തിക പ്രശ്നങ്ങൾക്ക് നിയമ പരിരക്ഷ വേണ്ടിവരും, സർക്കാർ ജോലിയിൽ ഇരിക്കുന്നവർക്ക് ബുദ്ധിമുട്ടുകൾ, ശത്രുക്കൾ വർദ്ധിക്കുന്നത് പ്രശ്നങ്ങൾക്കിടയാക്കും.
ആയില്യം: ബിസിനസ്സിൽ തടസ്സങ്ങൾ നേരിടും, സ്വന്തം നേട്ടം ലാക്കാക്കി പലരും അടുത്തുകൂടി ചതിക്കാൻ നോക്കും. കോപം മൂലം ബന്ധുക്കൾ അകലും. സാമ്പത്തിക പിരിമുറുക്കം ഉണ്ടാകും.
മകം: ഇഷ്ടമല്ലാത്തവരുമായി സഹകരിക്കേണ്ടി വരും, ഗൃഹത്തിൽ പലതരം അസ്വസ്ഥതകൾ. നിലവിലുള്ള കടബാദ്ധ്യതകൾ വർദ്ധിക്കാതിരിക്കുവാൻ ശ്രദ്ധിക്കണം.
പൂരം: ജാമ്യം നിൽക്കുന്നത് വളരെ സൂക്ഷിച്ചു വേണം ഭാവിയിൽ ബുദ്ധിമുട്ടുണ്ടാക്കും. ബന്ധുക്കളുമായും സഹോദരങ്ങളുമായും സ്വരചേർച്ച കുറവ് ഉണ്ടാകും.
ഉത്രം: പ്രണയകാര്യങ്ങളിൽ ദുഃഖം,ആരോഗ്യ പരിപാലനത്തിന് ധനം ചിലവാകും,കാര്യങ്ങൾ ബുദ്ധിപരമായി നീക്കിയില്ലെങ്കിൽ കുഴപ്പങ്ങളിൽ ചെന്ന് ചാടും.
അത്തം: ശത്രുക്കളുടെ തന്ത്രങ്ങളെ പരാജയപ്പെടുത്തും, ധനപ്രാപ്തി, സഹോദരങ്ങളും ബന്ധുക്കളും സഹായ സ്ഥാനത്ത് വരും. സുഹൃത്തുക്കൾക്കായി ധാരാളം പണം ചെലവഴിക്കും.
ചിത്തിര: സംസാരവും പ്രവർത്തികളും സൂക്ഷിക്കുക, ഓഹരി സംബന്ധമായ വിവാദങ്ങൾ.കുടുംബജീവിതത്തിൽ അഭിപ്രായ വ്യത്യാസങ്ങൾ ഉടലെടുക്കുകയും സ്വസ്ഥത ഇല്ലാതാവുകയും ചെയ്യാം.
ചോതി: മേലധികാരികളിൽ നിന്നും സഹായ സഹകരണങ്ങൾ ഉണ്ടാകും, പുണ്യസ്ഥലങ്ങൾ സന്ദർശിക്കും. മുൻകാലങ്ങളിൽ നടത്തിയിരുന്ന നിക്ഷേപങ്ങളിൽനിന്നും നേട്ടം ലഭിക്കും.
വിശാഖം: സാമ്പത്തിക കാര്യങ്ങളിൽ കുഴപ്പങ്ങൾ.ചതിക്കപ്പെടാനോ വഞ്ചിതരാകാനോ സാധ്യത, വാഹന സംബന്ധമായ ചെലവുകൾ വർദ്ധിക്കും.
അനിഴം: ദേവാലയ ദർശന ഭാഗ്യം, ജനപ്രീതിയും അംഗീകാരവും.പുതിയ ബിസിനസ് ആരംഭിക്കാൻ ആഗ്രഹിക്കുന്നവർ ഓഫീസ് നിർമ്മാണ പ്രവർത്തനങ്ങൾക്ക് തുടക്കമിടും.
കേട്ട: സുഹൃത്തുക്കളുമായി അകലാതിരിക്കാൻ പ്രത്യകം ശ്രദ്ധിക്കണം,സ്ത്രീകൾ അപവാദം പറഞ്ഞു പരത്തും, അവിചാരിത തടസങ്ങൾ പലതും അനുഭവപ്പെടുന്നതാണ്.
മൂലം: ഉദ്ദേശിക്കുന്ന രീതിയിൽ കാര്യങ്ങൾ നടക്കും, ആഗ്രഹസാഫല്ല്യം നേടും.വാക്സാമർത്ഥ്യത്താലും മാധുര്യമുള്ള സംസാരത്താലും അന്യരെ വശീകരിക്കും.
പൂരാടം: പ്രണയ കാര്യങ്ങളിൽ അനുകൂല തീരുമാനം, ആചാര മര്യാദകൾ പാലിക്കും.അന്യർക്കായി ത്യാഗ മനസ്‌കതയോടു കൂടി പ്രവർത്തിക്കും.
ഉത്രാടം: ശത്രുക്കൾ ഒഴിഞ്ഞുപോകും, ദാമ്പത്യം സന്തോഷപ്രദം, ബന്ധുക്കളുമായി നിലവിലുണ്ടായുന്ന അഭിപ്രായവ്യത്യാസം മാറും.
തിരുവോണം: അകന്നു കഴിഞ്ഞവർ അടുത്ത് വരും, ജോലി സ്ഥിരമാകും. ദാമ്പത്യ ബന്ധത്തിൽ യോജിച്ച തീരുമാനങ്ങൾ എടുക്കുന്നത് കുടുംബത്തിൽ ഐശ്വര്യമുണ്ടാക്കും.
അവിട്ടം: കുടുംബത്തിൽ ഐശ്വര്യവും സമാധാനവും, ഔഷധസേവ നിർത്താൻ സാധിക്കും. സ്വകാര്യ മേഖലയിൽ പ്രവർത്തിക്കുന്നവർക്ക് ഉന്നതസ്ഥാന പ്രാപ്തിയും സ്ഥലമാറ്റവും പ്രതീക്ഷിക്കാം.
ചതയം: പ്രതിസന്ധികൾ സ്വയം ഒഴിഞ്ഞുപോകും, പരമ്പരാഗത കലകളിൽ താൽപര്യവും അഭിനിവേശവും.ജീവിതത്തിൽ പല രീതിയിലും ഉയർച്ചയുമുണ്ടാകും. ബുദ്ധിപരമായി പ്രവൃത്തിച്ച് പ്രതികൂല സാഹചര്യങ്ങളെ അതിജീവിക്കും.
പൂരുരുട്ടാതി: ധനകാര്യ സ്ഥാപനങ്ങൾ നടത്തുന്നവർക്ക് കേസുകളും നികുതി വകുപ്പുകളിൽ നിന്ന് ഉപദ്രവവും ഉണ്ടാകും.
ഉത്രട്ടാതി: വിലപിടിപ്പുള്ള ആഭരണങ്ങളോ യന്ത്ര സാമഗ്രികളോ കളവു പോകുകയോ നഷ്ടപ്പെടുകയോ ചെയ്യും.
രേവതി: ഭൂമിസംബന്ധമായ ക്രയവിക്രയങ്ങളിൽ ഏർപ്പെടുന്നവർക്ക് ധനനഷ്ടത്തിനു സാദ്ധ്യത. സംസാരം മുഖേന ശത്രുക്കൾ കൂടും.