കൊച്ചി: രണ്ട് ദിവസത്തെ കേരള സന്ദർശനത്തിനായി പ്രധാനമന്ത്രി നരേന്ദ്ര മോദി നെടുമ്പാശേരി വിമാനത്താവളത്തിലെത്തി. അൽപസമയം മുൻപ് എത്തിയ പ്രധാനമന്ത്രിയെ മുഖ്യമന്ത്രി പിണറായി വിജയനും ഗവർണർ ആരിഫ് മുഹമ്മദ് ഖാനും ചേർന്ന് വിമാനത്താവളത്തിൽ സ്വീകരിച്ചു. അൽപസമയത്തിനകം അദ്ദേഹം പ്രത്യേക വിമാനത്തിൽ നാവികസേനാ വിമാനത്താവളത്തിൽ എത്തും. ശേഷം എറണാകുളം നഗരത്തിൽ മോദിയുടെ റോഡ് ഷോയും നടക്കും. എം.ജി റോഡിൽ കെപിസിസി ജംഗ്‌ഷൻ മുതൽ ഹോസ്‌പിറ്റൽ റോഡ് കടന്ന് ഗസ്റ്റ് ഹൗസ് വരെ ഒന്നേകാൽ കിലോമീറ്ററോളം ദൂരമാകും പ്രധാനമന്ത്രിയുടെ റോഡ് ഷോ.

ഗസ്റ്റ് ഹൗസിലാണ് രാത്രി താമസം.നാളെ രാവിലെ 6.30ന് ഹെലികോപ്ടറിൽ ഗുരുവായൂരിലേക്ക് തിരിക്കും. ക്ഷേത്രദർശത്തിന് ശേഷം നടൻ സരേഷ് ഗോപിയുടെ മകളുടെ വിവാഹത്തിൽ പങ്കെടുക്കും. 10.10ന് തൃപ്രയാർ ശ്രീരാമക്ഷേത്രത്തിൽ ദർശനം നടത്തും.കൊച്ചിയിൽ മടങ്ങിയെത്തി കൊച്ചി കപ്പൽശാലയിലെ ഡ്രൈഡോക്ക് ഉദ്ഘാടനം ചെയ്യും. മറൈൻ ഡ്രൈവിൽ ബി.ജെ.പി. പ്രവർത്തകരുടെ യോഗത്തിലും പങ്കെടുത്ത ശേഷം ഹെലികോപ്ടൽ നെടുമ്പാശേരി വിമാനത്താവളത്തിലെത്തി ഡൽഹിക്ക് മടങ്ങും.