തിരുവനന്തപുരം: ഡൽഹയിൽ വച്ച് നടക്കുന്ന ലെജൻഡ് ടെന്നീസ് ലീഗിൽ പങ്കെടുക്കുന്ന സൗത്ത് ഇന്ത്യയിലെ ആദ്യ ടീമായ റോയൽ ഡെക്കാൻ ടസ്‌കേഴ്സ് ടീമിന്റെ ഔദ്യോഗിക പ്രഖ്യാപനവും ലോഗോ, ജേഴ്സി പ്രകാശനവും തിരുവനന്തപുരം പ്രസ് ക്ലബ്ബിൽ നടന്നു.
നിരവധി ദേശീയതല ടെന്നീസ് ടൂർണമെന്റുകൾ നേടിയ വിശാഖ് വി.എസ്, ഹരീഷ് ഹരിദാസ് (ലോർഡ്സ് ഹോസ്പിറ്റൽ വൈസ് ചെയർമാൻ ) എന്നിവരാണ് റോയൽ ഡെക്കാൻ ടസ്‌കേഴ്സ് ടീം ഉടമകളും കളിക്കാരും. ടീമിന്റെ ലോഗോ കവടിയാർ രാജകുടുംബാംഗം ആദിത്യ വർമ്മയും ഭീമ ഗ്രൂപ്പ് ചെയർമാൻ ഡോ. ബി ഗോവിന്ദനും ചേർന്ന് നിർവഹിച്ചു. ടീമിന്റെ ജേഴ്സി പ്രകാശനം ലോർഡ്സ് ഹോസ്പിറ്റൽ ചെയർമാൻ ഡോ. കെ പി ഹരിദാസ്, സ്ട്രാഗാ ഗ്രൂപ്പ് ഡയറക്ടർ വേണുകുമാർ എന്നിവരും ഡിജിറ്റൽ മീഡിയ റിലീസ് എസ്.ഐ പ്രോപ്പർട്ടീസ് ഡയറക്ടർ . രഘു ചന്ദ്രൻ നായരും നിർവഹിച്ചു. ചടങ്ങിൽ ഹരീഷ് ഹരിദാസ് ,വിശാഖ് വി.എസ് തുടങ്ങിയവർ പങ്കെടുത്തു.