ബം​ഗ​ളൂ​രു​:​ റൺമഴ പെയ്ത ട്വന്റി-20 ചരിത്രത്തിലെ തന്നെ ആവേശ പോരാട്ടത്തിൽ ​രണ്ട് സൂപ്പർ ഓവറുകൾക്കൊടുവിൽ അഫ്ഗാനിസ്ഥാനെ കീഴടക്കി ഇന്ത്യ പരമ്പര തൂത്തുവാരി. ചിന്നസ്വാമി സ്റ്റേഡിയം വേദിയായ മൂന്നാം ട്വന്റി-20യിൽ ആദ്യം ബാറ്റ് ചെയ്ത് ഇന്ത്യ ക്യാപ്ടൻ രോഹിത് ശർമ്മയുടേയും ( ​പു​റ​ത്താ​കാ​തെ​ 69​ ​പ​ന്തി​ൽ​ 121​),​ അർദ്ധ സെഞ്ച്വറി നേടിയ റിങ്കു സിംഗിന്റെയും ​(​പു​റ​ത്താ​കാ​തെ​ 39​ ​പ​ന്തി​ൽ​ 69​) ബാറ്റിംഗിന്റെ പിൻബലത്തിൽ 20 ഓവറിൽ 4 വിക്കറ്റ് നഷ്ടത്തിൽ 212 റൺസ് നേടി. മറപടിക്കിറങ്ങിയ അഫ്ഗാനിസ്ഥാൻ ഗുർബാസിന്റെയും (50)​,​ ക്യാപ്ടൻ ഇബ്രാഹിം സദ്രാന്റെയും (50)​,​ ഗുലാബ്‌ദിൻ നയിബിന്റെയും (പുറത്താകാതെ 55)​ അർദ്ധ സെഞ്ച്വറികളുടേയും മുഹമ്മദ് നബിയുടെ (16 പന്തിൽ 34)​ വെടിക്കെട്ടിന്റെയും പിൻബലത്തിൽ 20 ഓവറിൽ 6 വിക്കറ്റ് നഷ്ടത്തിൽ 212 റൺസിലെത്തിയതോടെ മത്സരം സൂപ്പർ ഓവറിലേക്ക് നീണ്ടു.

സൂപ്പർ ത്രില്ലർ

സൂപ്പർ ഓവറിൽ ഇന്ത്യയ്ക്കായി ബാൾ ചെയ്തത് മുകേഷ് കുമാർ. അഫ്ഗാൻ ഒരുവിക്കറ്റ് നഷ്ടത്തിൽ 16 റൺസ് നേടി. തുടർന്ന് ബാറ്റിംഗിനിറങ്ങിയ ഇന്ത്യയും നേടിയത് 16 റൺസ്. മത്സരം അടുത്ത സൂപ്പർ ഓവറിലേക്ക്. രോഹിത് ശർമ്മ അടിച്ച സിക്സിന്റെയും ഫോറിന്റെയും പിൻബലത്തിൽ ഇന്ത്യ 11 റൺസ് നേടി. തുടർന്ന് സൂപ്പർ ഓവർ എറഞ്ഞ രവി ബിഷ്ണോയി ഇന്ത്യയുടെ രക്ഷകനായി. ആദ്യപന്തിൽ നബിയേയും (0)​ മൂന്നാം പന്തിൽ ഗുർബാസിനേയും (0)​ റിങ്കു സിംഗിന്റെ കൈകളിൽ എത്തിച്ച് ബിഷ്ണോയി ഇന്ത്യയ്ക്ക് വിജയം സമ്മാനിച്ചു.അഫ്ഗാന് നേടാനായത് 1 റൺസ് മാത്രം.

രോഹിത് താണ്ഡവം

​ക​ഴി​ഞ്ഞ​ ​ര​ണ്ട് ​ക​ളി​യി​ലും​ ​ഡ​ക്കാ​യ ഇന്ത്യൻ ക്യാപ്ടൻ രോഹിത് ഇന്നലെ വെടിക്കെട്ട് സെ​ഞ്ച്വ​റി​യു​മാ​യി ​പ്രാ​യ​ശ്ചി​തം ചെയ്തു.​22​/4​ ​എ​ന്ന​ ​നി​ല​യി​ൽ​ ​പ്ര​തി​സ​ന്ധി​യി​ലാ​യി​രു​ന്ന​ ​ടോസ് നേടി ആദ്യം ബാറ്റ് ചെയ്ത ഇ​ന്ത്യ​യെ​ ​രോ​ഹി​ത് റി​ങ്കു​ ​ശ​ർ​മ്മ​യ്ക്കൊ​പ്പം​ 212​റ​ൺ​സിലേക്ക് അടിച്ചു പൊളിച്ച് എത്തിച്ചു.
പ​ര​മ്പ​ര​യി​ൽ​ ​ആ​ദ്യ​മാ​യി​ ​അ​വ​സ​രം​ ​കി​ട്ടി​യ​ ​സ​ഞ്ജു​ ​സാം​സ​ണെ​ ​ഫ​ഹീ​ദ് ​അ​ഹ​മ്മ​ദ് ​ഗോ​ൾ​ഡ​ൻ​ ​ഡ​ക്കാ​ക്കി.​ ​ന​ബി​യാ​ണ് ​ക്യാ​ച്ചെ​ടു​ത്ത​ത്.​ ​യ​ശ്വ​സി​ ​ജ​യ്‌​സ്വാ​ൾ​ ​(4​)​​,​​​ ​വി​രാ​ട് ​കൊ​ഹ്‌​ലി​ ​(0​)​​​ ​എ​ന്നി​വ​രേ​യും​ ​ഫ​ഹീ​ദ് ​അ​ഹ​മ്മ​ദും​ ​ശി​വം​ ​ദു​ബെ​യെ​ ​(1​)​​​ ​ഒ​മ​ർ​ ​സാ​യി​‌​യും​ ​തു​ട​ക്ക​ത്തി​ലേ​ ​പു​റ​ത്താ​ക്കു​ക​യാ​യി​രു​ന്നു.​ ​തു​ട​ർ​ന്നാ​ണ് ​രോ​ഹി​തും​ ​റി​ങ്കു​വും​ ​നി​റ​ഞ്ഞാ​ടി​യ​ത്.​ 11​ ​ഫോ​റും​ 8​ ​സി​ക്സും​ ​ഉ​ൾ​പ്പെ​ടെ​യാ​ണ് ​രോ​ഹി​ത് ​ട്വ​ന്റി​-20​യി​ൽ​ ​ത​ന്റെ​ ​അ​ഞ്ചാം​ ​സെ​ഞ്ച്വ​റി​ ​നേ​ടി​യ​ത്.​ ​റി​ങ്കു​ 6​ ​സി​ക്സും​ 2​ ​ഫോ​റും​ ​നേ​ടി. ബാറ്റിംഗിൽ നിരാശപ്പെടുത്തിയെങ്കിലും വിക്കറ്റിന് പിന്നിൽ സഞ്ചു തിളങ്ങി.

ചില റെക്കാഡുകൾ

196- അ​ഞ്ചാം​ ​വി​ക്ക​റ്റി​ൽ​ ​രോഹിതും റിങ്കുവും​ 95​ ​പ​ന്തി​ൽ​ ​പു​റ​ത്താ​കാ​തെ​ ​നേ​ടി​യ​ത് 190​റ​ൺ​സാ​ണ്.​ട്വ​ന്റി​-20​യി​ൽ​ ​ഇ​ന്ത്യ​യു​ടെ​ ​ഏറ്റവും​ ​മി​ക​ച്ച​ ​കൂ​ട്ടു​കെ​ട്ട്.​ ​​

36-അവസാന ഓവറിൽ ഇരുവരും 36 റൺസ് നേടി.ട്വന്റി-20യിൽ ഏറ്റവും കൂടുതൽ റൺസ് പിറന്ന ഓവറുകൾക്കൊപ്പമെത്തി ഈ ഓവറും.

രണ്ട് സൂപ്പർ ഓവറുകൾ പിറന്ന ആദ്യ അന്താരാഷ്ട്ര മത്സരം.

5-രോഹിത് ശർമ്മയുടേ ട്വന്റി-20യിൽ ഏറ്രവും കൂടുതൽ സെഞ്ച്വറി നേടിയ താരം (5)​.