ഗാ​ന്ധി​ന​ഗ​ർ​:​ ​ഗു​ജ​റാ​ത്തി​ലെ​ ​വ​ഡോ​ദ​ര​യി​ൽ​ ​ഹ​ർ​ണി​ ​ത​ടാ​ക​ത്തി​ൽ​ ​ബോ​ട്ട് ​മ​റി​ഞ്ഞ് 14 വിദ്യാർത്ഥികൾക്കും 2 അദ്ധ്യാപകർക്കും ​ദാ​രു​ണാ​ന്ത്യം.​ ​നി​ര​വ​ധി​ ​പേ​രെ​ ​കാ​ണാ​താ​യി.​ ​സ്‌​കൂ​ളി​ൽ​നി​ന്ന് ​വി​നോ​ദ​യാ​ത്ര​യ്‌​ക്കെ​ത്തി​യ​ 27​ ​അം​ഗ​സം​ഘം​ ​യാ​ത്ര​ ​ചെ​യ്ത​ ​ബോ​ട്ടാ​ണ് ​അ​പ​ക​ട​ത്തി​ൽ​ ​പെ​ട്ട​ത്.​ ​തെ​ര​ച്ചി​ൽ​ ​തു​ട​രു​ക​യാ​ണെ​ന്ന് ​അ​ധി​കൃ​ത​ർ​ ​അ​റി​യി​ച്ചു.​ ​ദേ​ശീ​യ​ ​ദു​ര​ന്ത​ ​നി​വാ​ര​ണ​ ​സേ​ന​യു​ൾ​പ്പെ​ടെ​ ​സ്ഥ​ല​ത്തു​ണ്ട്.​ ​ര​ക്ഷ​പെ​ടു​ത്തി​യ​ ​ചി​ല​രെ​ ​ആ​ശു​പ​ത്രി​യി​ൽ​ ​പ്ര​വേ​ശി​പ്പി​ച്ചു.
വി​ദ്യാ​ർ​ത്ഥി​ക​ൾ​ ​ലൈ​ഫ് ​ജാ​ക്ക​റ്റ് ​ധ​രി​ച്ചി​രു​ന്നി​ല്ലെ​ന്നാ​ണ് ​വി​വ​രം.

ന്യൂ സൺ റൈസ് എന്ന സ്വകാര്യ സ്കൂളിലെ വിദ്യാർത്ഥികളും അദ്ധ്യാപകരുമാണ് അപകടത്തിൽപ്പെട്ടത്. അപകടത്തിൽപ്പെട്ട ഏഴുകുട്ടികളെ രക്ഷപ്പെടുത്തിയതായി ഫയർഫോഴ്‌സ് അറിയിച്ചു. അപകടത്തിന് പിന്നാലെ നാട്ടുകാർ രക്ഷാപ്രവർത്തനം ആരംഭിച്ചതായും അധികൃതർ പറഞ്ഞു. സംഭവത്തിൽ പ്രധാനമന്ത്രി നരേന്ദ്രമോദിയും ഗുജറാത്ത് മുഖ്യമന്ത്രി ഭൂപേന്ദ്ര പട്ടേലും ദുഃഖം രേഖപ്പെടുത്തി. മരിച്ചവരുടെ ബന്ധുക്കളുടെ ദുഃഖത്തിൽ പങ്കുചേരുന്നതായി മുഖ്യമന്ത്രി പറഞ്ഞു. ആശുപത്രിയിൽ പ്രവേശിപ്പിച്ചവർക്ക് എല്ലാവിധ ചികിത്സാ സൗകര്യങ്ങളും ഏർപ്പെടുത്തുമെന്നും അദ്ദേഹം വ്യക്തമാക്കി.