കൊച്ചി: റിപ്പബ്ലിക് ദിനാഘോഷപരിപാടികളുടെയും ചുങ്കത്ത് ജ്വല്ലറി കുണ്ടറ ഷോറൂം നവീകരിച്ച കൊല്ലം ഷോറും എന്നിവയുടെ ഉദ്ഘാടനങ്ങളുടെയും ഭാഗമായി പാരമ്പര്യ ട്രസ്റ്റും ടി.കെ.എം ആർട്‌സ് ആൻഡ് സയൻസ് കോളേജിലെ നാഷണൽ സർവീസ് സ്‌കീം യൂണിറ്റും സംയുക്തമായി ഭരണഘടനയുടെ ഉള്ളടക്കം ജനങ്ങളിലേക്കെത്തിക്കുക എന്ന ലക്ഷ്യത്തോടെ വിവിധ പരിപാടികൾ സംഘടിപ്പിക്കും.

ജനുവരി 23 മുതൽ 26 വരെ കൊല്ലം ആശ്രാമം മൈതാനത്തിലാണ് പരിപാടികൾ നടക്കുന്നത്. ഭരണഘടനയുടെ സന്ദേശങ്ങളുൾക്കൊള്ളുന്ന വീഡിയോ പ്രദർശനം, ക്വിസ്, ദേശഭക്തിഗാനം, ചിത്രരചന മത്സരങ്ങൾക്കൊപ്പം കലാസന്ധ്യയും സംഘടിപ്പിക്കും. സ്‌കൂൾ, കോളേജ് പൊതു വിഭാഗങ്ങളിലായാണ് മത്സരം നടക്കുന്നത്. വിജയികൾക്ക് ക്യാഷ് അവാർഡ്, മൊമന്റോ, സർട്ടിഫിക്കറ്റ് എന്നിവ സമ്മാനമായി ലഭിക്കും. ഭരണഘടനയോടുള്ള ആദരവെന്ന നിലയിൽ പ്രദർശിപ്പിക്കുന്ന റെഡ് ഫോർട്ടിന്റെ മാതൃകയിലുള്ള കലാ നിർമിതി പൊതുജനങ്ങൾക്ക് വ്യത്യസ്തമായ അനുഭവമാകും. കൂടുതൽ വിവരങ്ങൾക്ക് : 73069 31106, 94475 58342, 9048418843