കറാച്ചി: ഇറാനിൽ നടത്തിയ മിസൈലാക്രമണത്തിൽ പാകിസ്ഥാൻ വധിച്ചത് സ്വന്തം പൗരന്മാരെ തന്നെയെന്ന് റിപ്പോ‌ർട്ട്. വ്യാഴാഴ്ച ​പു​ല​ർ​ച്ചെ​ ​ഇ​റാ​നി​ലെ​ ​സി​സ്‌​താ​ൻ​ ​ബ​ലൂ​ചി​സ്ഥാ​ൻ​ ​പ്ര​വി​ശ്യ​യി​ൽ​ ​ബ​ലൂ​ചി​സ്ഥാ​ൻ​ ​ലി​ബ​റേ​ഷ​ൻ​ ​ഫ്ര​ണ്ട്,​ ​ബ​ലൂ​ചി​സ്ഥാ​ൻ​ ​ലി​ബ​റേ​ഷ​ൻ​ ​ആ​ർ​മി​ ​എ​ന്നീ​ ​ഭീ​ക​ര​ഗ്രൂ​പ്പു​ക​ളു​ടെ​ ​ഏ​ഴ് ​താ​വ​ള​ങ്ങ​ളാണ് പാകിസ്ഥാൻ ആക്രമിച്ചത്.

മൂന്ന് സ്ത്രീകളും നാല് കുട്ടികളുമടക്കം പത്ത് പേർ കൊല്ലപ്പെട്ടിരുന്നു. ഇവരെല്ലാം പാക് പൗരന്മാരാണെന്ന് ഇറാൻ മാദ്ധ്യമങ്ങൾ റിപ്പോർട്ട് ചെയ്തു. അതേസമയം, ഇവർ എങ്ങനെ അതിർത്തി കടന്നെത്തി എന്ന് കണ്ടെത്താൻ അന്വേഷണം ആരംഭിച്ചതായി ചില പ്രാദേശിക ഉദ്യോഗസ്ഥർ വ്യക്തമാക്കി.

ആക്രമണങ്ങൾക്ക് പാകിസ്ഥാൻ വലിയ വില നൽകേണ്ടി വരുമെന്ന് ബ​ലൂ​ചി​സ്ഥാ​ൻ​ ​ലി​ബ​റേ​ഷ​ൻ​ ​ആ​ർ​മി​ മുന്നറിയിപ്പ് നൽകി. പാകിസ്ഥാനെതിരെ ' യുദ്ധം ' പ്രഖ്യാപിക്കുന്നതായും പ്രതികാരം ചെയ്യുമെന്നും അറിയിച്ചു.

ഇതിനിടെ, അതിർത്തിയിൽ പിരിമുറുക്കം രൂക്ഷമാകുന്നതിനിടെ ഇന്നലെ തെക്കു - പടിഞ്ഞാറൻ ഖുസെസ്താൻ പ്രവിശ്യയിലെ അബദാൻ മുതൽ തെക്കു - കിഴക്കൻ സി​സ്‌​താ​ൻ​ ​ബ​ലൂ​ചി​സ്ഥാ​ൻ​ ​പ്ര​വി​ശ്യ​യി​ലെ ചബഹാർ വരെ 6,00,000 ചതുരശ്ര കിലോമീറ്റർ പരിധിയിൽ ഇറാന്റെ റെവലൂഷണറി ഗാർഡ് എയർഫോഴ്സും നേവിയും ചേർന്ന് സൈനികാഭ്യാസം നടത്തി.

ശത്രു മിസൈലുകളെ തകർക്കാൻ ശേഷിയുള്ള ഡ്രോണുകളടക്കം പങ്കെടുത്തു. പിന്നാലെ, രാജ്യത്തെ എയർലൈനുകൾ ഇറാന്റെ വ്യോമപാത ഒഴിവാക്കണമെന്ന് പാകിസ്ഥാൻ സിവിൽ ഏവിയേഷൻ അതോറിറ്റി അറിയിച്ചു. പാ​കി​സ്ഥാ​നി​ലെ​ ​ബ​ലൂ​ചി​സ്ഥാ​നി​ൽ​ ​ജ​യ്‌​ഷ് ​അ​ൽ​ ​അ​ദ്ൽ​ ​ഭീ​ക​ര​കേ​ന്ദ്ര​ങ്ങ​ളി​ൽ​ ​ചൊ​വ്വാ​ഴ്‌​ച​ ​ഇ​റാ​ന്റെ​ ​മി​സൈ​ൽ​ ​ആ​ക്ര​മ​ണ​ത്തി​ൽ​ ​മൂ​ന്നു​പേ​ർ​ ​കൊ​ല്ല​പ്പെ​ട്ടി​രു​ന്നു.​ ​പിന്നാലെയാണ് ഇറാനിൽ പാകിസ്ഥാൻ തിരിച്ചടി നടത്തിയത്.

 യു.എസ് ഉപദേശം ?

ഇറാനിൽ മിസൈലാക്രമണം നടത്തുന്നതിന് മുമ്പ് പാകിസ്ഥാൻ യു.എസുമായി ആലോചിച്ചുവെന്ന റിപ്പോർട്ടുകളോട് പ്രതികരിക്കാതെ വൈറ്റ്‌ഹൗസ്. സ്വകാര്യ സംഭാഷണങ്ങളെ പറ്റി ഒന്നും പറയാൻ ഇല്ലെന്ന് കാട്ടി പതിവ് വാർത്താ സമ്മേളനത്തിനിടെ സ്റ്റേറ്റ് ഡിപ്പാർട്ട്മെന്റ് വക്താവ് മാത്യു മില്ലർ ഒഴിഞ്ഞുമാറി.

മേഖലയിൽ വർദ്ധിച്ചുവരുന്ന സംഘർഷങ്ങളിൽ യു.എസ് ആശങ്കാകുലരാണെന്നും എല്ലാ ഭാഗത്തുനിന്നും സംയമനം പാലിക്കണമെന്നും മില്ലർ പറഞ്ഞു.