കൊച്ചി : ചിന്നക്കനാലിലെ റിസോർട്ടിന്റെ നികുതിവെട്ചിപ്പുമായി ബന്ധപ്പെട്ട പരാതിയിൽ മാത്യു കുഴഷനാടൻ എം.എൽ.എയുടെ മൊഴി വിജിലൻസ് രേഖപ്പെടുത്തും.. നാളെ രാവിലെ 11ന് തൊടുപുഴ വിജിലൻസ് ഓഫീസിൽ ഹാജരാകാൻ മാത്യു കുഴൽനാടന് വിജിലൻസ് നോട്ടീസ് നൽകി. റിസോർട്ടിന്റെ രജിസ്ട്രേഷനിൽ നികുതി വെട്ടിപ്പ് നടത്തിയെന്ന പരാതിയിൽ പ്രാഥമിക അന്വേഷണത്തിന്റെ ഭാഗമായിട്ടാണ് എം.എൽ.എയുടെ മൊഴി എടുക്കുന്നത്. മൊഴിയെടുക്കുന്നതിന് ഹാജരാകുമെന്ന് മാത്യു കുഴൽനാടൻ അറിയിച്ചു.

മുഖ്യമന്ത്രിക്കും മകൾക്കുമെതിരെ മാസപ്പടി ആരോപണമുന്നയിച്ചതിന് പിന്നാലെയാണ് മാത്യു കുഴൽനാടനെതിരെ സി.പി.എം നികുതി വെട്ടിപ്പ് ആരോപണവുമായി രംഗത്തെത്തിയത്. നികുതി വെട്ടിച്ചാണ് ചിന്നക്കനാലിൽ ഭൂമിയും റിസോർട്ടും സ്വന്തമാക്കിയതെന്ന ആരോപണം സി.പി.എം എറണാകുളം ജില്ലാ സെക്രട്ടറിയാണ് ഉന്നയിച്ചത് ആധാരത്തിൽ 1.92 കോടി വില കാണിച്ച കുഴൽനാടൻ അടുത്തദിവസം നൽകിയ തിരഞ്ഞെടുപ്പ് സത്യവാങ്‌മൂലത്തിൽ വില 3.5 കോടിയാക്കി കാണിച്ചുവെന്നായിരുന്നു ആരോപണം.