കൊച്ചി: പതിനെട്ടുകാരിയെ പീഡിപ്പിച്ച കേസിൽ പ്രതിക്ക് 10 വർഷം കഠിനതടവും ഒരു ലക്ഷം രൂപ പിഴയും ശി​ക്ഷ. പങ്കാളിയുടെ ആദ്യവിവാഹത്തിലെ മകളെ പീഡിപ്പിച്ച കേസിലാണ് ശിക്ഷ. പുത്തൻകുരിശ് പൊലീസ് രജിസ്റ്റർ ചെയ്ത കേസിലാണ് നടപടി.
2017 ജൂലായ് 20നായിരുന്നു കേസിനാസ്പദമായ സംഭവം. എറണാകുളം അഡീ.സെഷൻസ് ജഡ്ജി അനിൽ കെ.ഭാസ്‌കറാണു പ്രതി കുറ്റക്കാരനാണെന്നു കണ്ടെത്തി ശിക്ഷ വിധിച്ചത്. പ്രോസിക്യൂഷനു വേണ്ടി അഡി​.പബ്ലിക് പ്രോസിക്യൂട്ടർ സി.ശ്രീകല ഹാജരായി. പുത്തൻകുരിശ് എസ്.ഐമാരായ യേശുദാസ്, സാജൻ സേവ്യർ എന്നിവരാണ് കുറ്റപത്രം സമർപ്പിച്ചത്.