തിരുവനന്തപുരം: ഇറ്റാലിയൻ നർത്തകി കലാകർള മെർലോയുടെ ഭരതനാട്യം തിങ്കളാഴ്ച വൈകിട്ട് 6.30ന് ഭാരത് ഭവൻ ശെമ്മങ്കുടി സ്മൃതി ഓഡിറ്റോറിയത്തിൽ അരങ്ങേറും. വെനീസിലെ ഇൻഡോളജി ഇൻസ്റ്റിറ്റ്യൂട്ട് ആൻഡ് സിനി ഫൗണ്ടേഷനിൽ ഭരതനാട്യം അഭ്യസിച്ച മെർലോ സാവിത്രി നായർ,ലീല സാംസൺ എന്നിവരുടെ ശിഷ്യയാണ്. കർണാട്ടിക് സംഗീതത്തിലും യോഗയിലും പ്രാവീണ്യം നേടിയിട്ടുള്ള മെർലോ ഇന്ത്യയിലെ വിവിധ സംസ്ഥാനങ്ങളിലും യൂറോപ്യൻ രാജ്യങ്ങളിലും ഭരതനാട്യം അവതരിപ്പിച്ചിട്ടുണ്ട്.പ്രവേശനം സൗജന്യമാണ്.