ഡെറാഡൂൺ: അയോദ്ധ്യയിലെ രാമക്ഷേത്ര പ്രതിഷ്ഠാ ചടങ്ങുമായി ബന്ധപ്പെട്ട് ഹിമാചൽ പ്രദേശിൽ ഇന്ന് പൊതുഅവധി പ്രഖ്യാപിച്ചു. കോൺഗ്രസ് ഭരിക്കുന്ന ഒരു സംസ്ഥാനം അവധി പ്രഖ്യാപിക്കുന്നത് ആദ്യമാണ്. സ്‌കൂളുകൾ, കോളജുകൾ, സർക്കാർ സ്ഥാപനങ്ങൾ, സർവകലാശാലകൾ എന്നിവയ്‌ക്കെല്ലാം അവധിയായിരിക്കും. മഹാരാഷ്ട്രയിലും പൊതു അവധിയാണ്. പ്രതിഷ്ഠാ ചടങ്ങുമായി ബന്ധപ്പെട്ട് വിവിധ സംസ്ഥാനങ്ങൾ ഭാഗികമായി അവധി പ്രഖ്യാപിച്ചിട്ടുണ്ട്. കേന്ദ്രസർക്കാർ സ്ഥാപനങ്ങൾക്കും പകുതി ദിവസം അവധിയാണ്. ഉത്തർപ്രദേശിൽ ബാങ്കുകൾക്കും വിദ്യാഭ്യാസ സ്ഥാപനങ്ങൾക്കും അവധിയാണ്.

ഛത്തീസ്ഗഢ്, ഹരിയാന, ഗോവ, മദ്ധ്യപ്രദേശ് സംസ്ഥാനങ്ങളിൽ സ്‌കൂളുകൾക്ക് അവധി പ്രഖ്യാപിച്ചു. ഗുജറാത്ത്, അസാം, ത്രിപുര സംസ്ഥാനങ്ങൾ ഉച്ചയ്ക്ക് 2.30 വരെ വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ചു.