സ്ത്രീകളെ ഒരിക്കലും പൂർണമായി മനസിലാക്കാൻ സാധിക്കില്ലെന്ന് പല പുരുഷൻമാരും പറയാറുണ്ട്. സ്‌ത്രീകൾ എന്തൊക്കെ, എങ്ങനെയൊക്കെയാണ് ചിന്തിക്കുന്നതെന്ന് പിതാവിനോ, ഭർത്താവിനോ, സഹോദരനോ, കാമുകനോ പോലും ചിലപ്പോൾ മനസിലാക്കാൻ സാധിച്ചെന്ന് വരില്ല. ഇത് പലപ്പോഴും ബന്ധങ്ങളെ സാരമായി ബാധിക്കാറുമുണ്ട്. പരസ്‌പരമുള്ള തുറന്ന സംഭാഷണങ്ങൾ ഏതൊരു ബന്ധം മുന്നോട്ടുകൊണ്ടുപോകുന്നതിനും വളരെ പ്രധാനമാണ്.

മനസുതുറന്ന് സംസാരിക്കുന്ന, തങ്ങളെ അറിയാനും മനസിലാക്കാനും ശ്രമിക്കുന്ന പങ്കാളിയെയാണ് മിക്കവാറും സ്‌ത്രീകൾക്കും ഇഷ്ടം. സന്തോഷങ്ങളും സങ്കടങ്ങളും പരിഭ്രമങ്ങളും പങ്കുവയ്ക്കുന്നവരെയും വിഷമഘട്ടങ്ങളിൽ പിന്തുണയായി കൂടെനിൽക്കുന്നവരെയുമാണ് സ്‌‌ത്രീകൾ കൂടുതലും പ്രതീക്ഷിക്കുന്നത്. ഇത്തരത്തിൽ സ്‌ത്രീകൾക്ക് നിങ്ങളോടുള്ള താത്‌പര്യം നിലനിർത്താൻ ഈ എട്ടുചോദ്യങ്ങൾ അവരോട് ചോദിക്കാം. അതിന്റെ ഉത്തരങ്ങൾ അനുസരിച്ച് അവരോട് പെരുമാറാം.

1. നിനക്ക് ഏറ്റവും പ്രിയപ്പെട്ട ഓർമ്മ എന്താണ്?
2. കുട്ടിക്കാലത്ത് നിനക്ക് വളർത്തുമൃഗങ്ങൾ ഉണ്ടായിരുന്നോ?
3. ഏത് സിനിമാകഥാപാത്രവുമായും പുസ്‌തകത്തിലെ കഥാപാത്രവുമായാണ് നിനക്ക് കൂടുതൽ അടുപ്പം തോന്നുന്നത്, അത് എന്തുകൊണ്ടാണ്?
4. തിരക്കേറിയ ഒരു ദിവസം ഏതുതരത്തിൽ വിശ്രമിക്കാനാണ് നീ ഇഷ്ടപ്പെടുന്നത്?
5. നീ ജീവിതത്തിൽ നേരിടേണ്ടിവന്ന ഏറ്റവും ലജ്ജാകരമായ നിമിഷമേതാണ്, അത് എങ്ങനെയാണ് മറികടന്നത്?
6. കുറേക്കാലമായി അടുപ്പമില്ലാത്ത, എന്നാൽ ആ വ്യക്തിക്ക് സന്തോഷമായിരിക്കണം എന്ന് നീ ആഗ്രഹിക്കുന്ന സുഹൃത്ത് ആരാണ്?
7. എങ്ങനെയാണ് നിന്റെ ഏറ്റവും അടുത്ത സുഹൃത്തിനെ കണ്ടുമുട്ടുന്നത്?
8. നീ ഏറെ ആഗ്രഹിക്കുന്ന കാര്യങ്ങളിൽ ഏറ്റവും ആദ്യ സ്ഥാനത്തുള്ളത് എന്താണ്?