മലപ്പുറം: മഞ്ചേരിയിൽ 6.63 കിലോഗ്രാം കഞ്ചാവുമായി കരുളായി സ്വദേശിയെ എക്സൈസ് ഇൻസ്പെക്ടർ ഷിജു ഇ ടി യും പാർട്ടിയും അറസ്റ്റ് ചെയ്തു. മഞ്ചേരി ടൗണിൽ എക്സൈസ് നടത്തിയ പരിശോധനയിൽ കരുളായി സ്വദേശി ഹംസയാണ് എൻ.ഡി.പി.എസ് കോടതിക്ക് സമീപം കഞ്ചാവുമായി പിടിയിലായത്. ജില്ലയുടെ വിവിധ ഭാഗങ്ങളിൽ കഞ്ചാവ് വിൽപ്പന നടത്തിയിരുന്ന പ്രതി സ്ഥിരമായി ഒരു സ്ഥലത്ത് താമസിക്കാറില്ലായിരുന്നു.

പാർട്ടിയിൽ IB ഇൻസ്പെക്ടർ മുഹമ്മദ് ഷെഫീഖ്, എക്സൈസ് ഇൻസ്പെക്ടർ ടി.ഷിജുമോൻ, സിവിൽ എക്സൈസ് ഓഫീസർമാരായ രാജൻ നെല്ലിയായി, ജിഷിൽ നായർ, അഖിൽ ദാസ് ഇ, സച്ചിൻ ദാസ് വി, സുനീർ, വനിത സിവിൽ എക്സൈസ് ഓഫീസർ ധന്യ കെ പി എന്നിവർ. എക്സൈസ് കമ്മിഷണറുടെ ഉത്തര മേഖല സ്‌ക്വാഡും, മലപ്പുറം എക്‌സൈസ് ഇന്റലിജൻസും, മഞ്ചേരി എക്‌സൈസ് റേഞ്ച് സംഘവും പരിശോധനയിൽ പങ്കെടുത്തു.